أخطـاء وملاحظات مهمة في التصميم والديكـور لـ بيت العمر || نفيـد ونستفيـد ||

موضوع مفيد جزاكم الله خير

تمنيت لو كثرت افياش في المطبخ لاني الان اعتمد ع التوصليه ومشاكلها
وتمنيت لو بنيت مستودع في المطبخ وغرفة شغاله لاني انوم الشغاله في المقلط
تمنيت لو زودت الغرف كبروا الابناء ويريدون الاستقلال ولكن مافي غرف
تمنيت لو سويت غرف للملابس لانه منظر الدولاب في غرف النوم يسبب ضيق وعشوائيه
تمنيت لو بنيت ملحق خارجي لجلسات الرجال وسهراتهم
تمنيت لو وسعت الصاله اللي هي غرفة المعيشه عشان طاولة الطعام وكرسي الاسترخاء
اهم شئ قبل البناء البحث والاستشاره وبالتوفيق للجميع ..

وضعت ورق جدران لكن تمنيت اني نبهت العامل انه يفك افياش الكهرباء وبعدين يلصق الورق حتى يكون شكل ورق الجدران مرتب وتحت الفيش مو مقصوص حول الفيش
البيبان اللي بالصالة افضل انها تكون سحاب مثل الاكورديون توفر مساحة (اللي خلف الباب يعني )تستغليها بوضع مكتبة وكرسي وشجرة او تحفة فنية
وتسلموا ربنا يوفق الجميع

من كثر الاخطاء اللي عندي ابختصرها لكم على هيئة نقاط

اولا المطبخ المفتوح ماله ام الداعي حطيه مطبخ كبير وعملي ومعه مستودع كبير وبس

ثانيا النظام المفتوح بشكل عام يفقد البيت الحميمية صدقوني انه نظام فاشل الى اقصى درجة اذا ودكم بالمفتوح حطوه في جزء محدد في البيت 


ثالثا من تجربتي الصالة الدائرية تضيع مساحة البيت وتبهذلبك في الاثاث

رابعا غرفة النوم لاتصير قريبة من الدرج انواع الازعاج ولا تاخذين راحتك ابد وانت نايمة

اذا عندك اولاد مراهقين خلي غرفتهم جنب الدرج

رابعا حطي غرفة غسيل بالدور الثاني حتى لو خليتي مساحتها صغيرة واذا انت عندك شغالة خليها على شكل ملحق عند المستودع

خامسا اذا الدرج عندك بوسط الصالة ضروري جدا تحطين درج خدمة لو صغير مايدخل جوا البيت 

سادسا اذا عندك مساحة بالحوش خلي مجلس الرجال بالملحق يعني مايدخلون في البيت شفت كثير مسوينها ويمدحونها مره وندمت اني ماسويتها 

سابعا الشبابيك انتبهي تحطين لون الزجاج غير اللون الابيض لون الزجاج عندي عسلي صح معطي فخامه لكن اضاءة البيت ضعيفة حتى بالنهار لازم افتح كل اللمبات وصارت كاتمه البيت

المعذرة على الاطالة بس والله من كثر انا مقهورة من اخطاء بيتي ودي الناس كلهم ينتبهون لأخطائي واذا ذكرت شي ابرجع لكم