بنعمر بيت جديد وخايفه ماودي اطلع من بيتي الي انا فيه

بالضبط زي ما قالوا البنات
غرفكموصالتكم ومطبخكم والغسالة خليها في دور واحد
لا تتنازلي عن هذا الشي أبدا..وخلي لكم الدور الأرضي..عشان تستفيدي من الارتداد ورا سويه غرف شغالات وكوي
والدور اللوي خليه للضيوف مع مطبخ صغير للأوانيهم.
أرضكم ماشا الله لاقوة إلا بالله تبارك الله كبيرة.ضعفين مساحة أرضنا...الله يهنيكم ويبارك لكم ويسعدكم

هههههه ليش خايفه العالم تبغى فله او ربع فله وانتي متخوفه
انا ساكنه ماشاء الله مافيها شي بس ماادري كم مساحه بيتك
الدور الي تحت خليها اوبن يعني مفتوح ومجلس رجال
اما فوق غرفه معيشه وغرفه نوم
نصيحه مني شغاله لاتحطينها فوق السطح لان كل شوي نازله طالعه وتشوفكم
الافضل غرفه غسيل تحت وغرفه شغاله بعيده عنكم
انا حاطه بيتي كله كاميرات كنت اجيب شغاله بس شلتها من راسي من كثر مشاكلهم واستعنت بشركه تنظيف
والافضل كاميرات في مطبخ وغرفه غسيل وسطح والحوش والشارع
علشان راحتك

استفتدت من الارتداد الخارجي غرفه غسيل ومطبخ صغير للزفر والمقالي
انا ساكنه 200متر ومبدعه فيها ومستفيده كل متريارب يرزقني باارض 600متر ابدع فيها واخليها نظام اوروبي

مو شرط تبنون فله خلوها نظام شقق افضل واريح واهم شي التصميم يكون حلو

كثير اعرفهم يبنوا فلل ويندموا ويسوون بنا شقق منها لعيالهم بالمستقبل ومنها يأجرون الشقق ويستفيدون وانتم شوفوا الانسب لكم

الفيلا مو شي صعب ومخيف زي مو متخيله بالعكس راحه نفسيه وخصوصيه وخاصه لما يكبروا عيالك
واغلب الناس عايشين بفيلا وعندهم شغاله وحده

الدور الاول لازم يكون فيه (( مطبخ رئيسي _ صاله كبيره يكون فيها التلفزيون _ مجلس حريم مع دورة مياه _ مقلط _ مجلس رجال مع دورة مياه ))
الدور الثاني (( جناح خاص فيكي _ 4 غرف نوم كل اثنين بينهم دورة مياه ))
ونصيحه مني لاتخلي شي فوق السطح ماعدا المخزن اغلب الناس متوهقين بيروح يوم شغالتك وهي فوق السطوح
حطي غرفة الغسيل بالدور الارضي وكبريها شوي بحيث تكون غسيل وكوي وغرفة صغيره بجنبها للشغاله وبكذا الشغاله بتكون على طول تحت
لان صعب تغسل فوق السطح وترجع للمطبخ بالدور الارضي بيروح يومها رايحه جايه
وغير كذا انتم بيكون نومكم فقط فوق اما اكلكم وجلستكم تحت يعني مافي حوسه