تجمع المدللات الكسولات 2 ... ما أحلانا لما نتغير

أنا جارتكم في قروب همم ماشاء الله عليكم وين الكسل ماشاء الله عليكم نشيطات

الله يقويكم ويعطيكم العافية واحتسبو الأجر في كل شي تسوونه ربي يحميكم وتصير بيوتكم أحسن بيوت

يعطيكم العافيه تحمسون ماشا ءالله
اليوم صحيت ثمانيه رتبت البيت والمطبخ.. الساعه تسع فطور وبعده غسلت الملابس دفعتين واثناء الغسيل رتبت غرفتي ترتيب عميق ثم نمت وصحيت وحده سويت غدا وقهوه وحلا ونظفت بعدهم وبس ماعاد سويت شي كسل مع ذا البرد ماودي اترك البطانية .. االله يقوينا ويعيناااا ياارب

ماشاء الله عليكم ايش النشاط الله يديمه
انا. جاتني فتره مرررا تكاسلت ومع البرد كسل بزياده بس اليوم شديت حيلي
اليوم كنست البيت
حطيت غسله ملابس بالغساله
نظفت الفرن
ونقعت عيون الفرن بمويه وخل وملح ليمون
نظفت المرايا ولمعتها
لسى عندي اكمل الملابس واكوي واكنس المطبخ وامسحه
وارتب الصاله قبل النوم
وبسسس والله يعنني

صباح الخير
صحيت 7 وفاتتني صلاة الفجر دعواتكم اصلي الصلاه في اوقاتها يارب
عندي اليوم شغل كثير
ابي انظف الممطبخ وامسح الدولايب من براء
وانظف الدولاب تحت المجلى
واكنس المطبخ والصاله وغرفة الجلوس
واغسل الحمامات ع السريع
لاني منظفه البيت يوم الخميس كله
وابي اليوم انظف سريع علشان موجة الغبار الي جتنا
وابصلح الغداء ايدام ورز ابيض وبس

رجعت لكم
نظفت الدولاب الي تحت المجلى واخيرررر مابغيت
ومسحت الدولايب العلويه
ومسحت الرخام والارضيه وكبيت معطر ع الموكيت برائحة الافندر
وكنست المطبخ وكنست الصاله وكنست غرفة الجلوس
وصلحت قهوه والشاي وطبخت ايدام خضار با الدجاج وخلصت وبخرت البيت اخذ مني ساعتين وارتحت نفسيااا
باااقي
امسح المغاسل واغسل الحمامات وامسح البلازما وغرفة النوم وبث
دعواتكم ربي يعيني ويسهل امري