تفكيري عن زواج اخوي صح

والله أحس خليهم براحتهم وسالفة البيت بذات لاتدخلين فيها هم يقررون وين يسكنون

خليه براحته

نا موضوعي احس الاغلب هنا راح يتحسسون منه يمكن لانهم زوجات وكل وحدة هنا دايم تحط نفسها مكان الزوجة عشان كذا انا ابي الحكيمة بس الي ترد علي بدون تحيز وتحكم بشكل عام بدون ما تتقمص شخصية حرمة اخوي تكفون

شوفي.. انتي كلميه وشرحيله النتايج قوليله فلان ترى راح تصيدك ضغوطات كذا وكذا وراح تتعب بعدين... الخ
يمكن هو مو حاسب حساب المستقبل ومو مفكر فانتي بس نبهيه وعلميه بلحلول خليه اذا اقتنع يشاور زوجته وكيفهم مع بعض
هي لو فاهمه بتراعيه وبتسوي عرس بلمعقول على حسب قدرته
انا توني اتزوج وشفت مقدرة زوجي وراعيته على مقدرته وعلى الي يريحنا ويرضينا وماهتميت للناس.. سويت خطوبه فلبيت حلوه وبسيطه ناعمه.. ويوم الاحد بإذن الله حفلة حنه بلبيت عزمت الاقارب والعزيزين.. بتحنى وبعدين طايره لتركيا بلا عرس بلا مصاريف علفاضي

بس بنفس الوقت انتي لا تحاولين تجبرينه يقتنع عشان بعدين لاتصير بينج وبين زوجته حساسيات او شي
انتي نبهيه فقططط من باب انه اخوج وانتي فاهمه

تفكيركم عين العقل،،
إذا كان فعلا غير مقتدر وبيستدين عشان الحفلة ما له داعي كل ذي،،


بيني وبينك عادةً المعاريس ما يحبون يبينون لأهل العروس إن ما يقدرون مادياً،،
وأهون عليهم يحطون على ظهرهم ديون ولا يحسسون الحمولة إنهم ما يقدرون.


القرار له في الأخير وحسب رغبة العروس فلا تضغطون عليه هي حياته وهو يتحمل التبعات.