عندك طفل فرط نشاط وتشتت انتباه تعالي فيذي واستفيذي👍

ياحرييم انتبهوا تعطوون الاطفال حبوب اخاف تكون مضره حصونهم صباحا ومسائا واقرئوا سوره البقره ياامهات بااستمرار الله يعينكم يارب

ندى احمد حاولت اكتب معلومات اكثر للأسف مالقيت بالعربي معلومات كافيه اسمه نياسين فتامين ب3 . أعطي ابني شراب فيتامين فيه ب3 ، ب12، د، ج، حديد، حمض الفوليك، كالسيوم وزنك مع كبسولات أوميغا 3 . وقللت منه الحليب  ثلاث أكواب باليوم .

ام كوثر كثير اختي اكيد اذا نعطي دواء راح يكون تحت إشراف طبيب مختص الاطفال أمانة مش حقل تجارب بس حابين نستفيد من تجارب بعض ع الأقل يكون عندنا خلفيه لما نروح للأطباء ماتاخذ اي دواء يتوصف  للطفل . وان كان عن الرقيه فعلا ننام ع سورة البقرة وابني يحب كثير سورة يس سمعت انها تقوي الذاكرة وتعالج النسيان الله اعلم واشغل الرقيه الشرعيه كل صباح ع البيت . ربنا يشفي عيالنا وعيال المسلمين 

اهم شي لما تروح عند الدكتور لا تخلوه يوصفلكم دوا غير كونسيرتا
لانه ممكن يكتبلكم رييسبيردال دا حق اللي عندهم ذهان
او ممكن يصرف مضاد للاكتئاب وما يسوي شي للحالة ديه
قولو احنا ما نبغى نهدي الولد بس لا نبغى دوا يستغل عالتركيز والقدرات الذهنية زي الكونسيرتا
ومضمون وكتير في امريكا ينصرف لاطفال فرط الحركة
مو زي الريسبيردال ممنوع هناك
بس ما ينفع قبل 6سنين
واذكرت لا تقبلو بالديباكين حق الصرع خطير مرة
وفيه دكاترة زي طارق الحبيب ينصحو بشدة بالعلاج لمصلحة الولد اكيد
انا ولدي دحين ستة
وبدأت معاه من شهرين واقل
حسيت عمره اللي راح كدا بس راح لا اتعلم شي ولا سلوكيات ولا شي 
وعلى فكرة همن يجو في التصرفات وكدا اصغر من اللي غي سنهم بسنتين تلاتة مع العلاج ماشاءالله احسهم في الادب والاحترام والتصرفات احسن كمان

شفتو كيف لما تكلمو واحد وهو سرحان وبعد لما تنبهه تسأل ايش قلت يقولك ما اعرف مو لانو غبي ولا شي
طيب زي كدا طفل فرط الحركة وتشتت الانتباه
اتخيلو 24 ساعة ماهو مركز ولا منتبه كيف حيتعلم
يعني ابسط الامور ابسط الامور صعب يتعلمها
زي لما احد يقولك السلام عليكم رد عليه وعليكم السلام
الا يقعد يعيد كلامي يقول السلام عليكم
يعني بأمثل معاه وتبادل ادوار يعني بأقولكم ابسط الامور صعب يتعلموها
وحتى صارو يقولو كلام اول مرة اسمعه منهم. ومعاني مجردة ماشاءالله مو لانه ما كان يسمعها اول لا لانه ما كان مركز ولا منتبه فما لقطها
لا وحدة تقول بأبالغ ومو لدي الدرجة الشغلة درجات ممكن في خفيفة متوسطة شديدة 
انا عن نفسي الحالة شديدة

ندى أحمد
أهنيك ع وعيك للمشكله من كل الجوانب أنا معاك بكل كلمه
ومن المؤيدين للأدويه اذا بتقل سنوات ضياع الطفل بدون فايده واذا بتحسن من استجابته وتعليمه والخ..
لكن اعارضك بالادويه حبيبتي كل طفل يختلف عن الأخر مافيه دواء هو الأفضل ..والكلام مو من راسي شفت تجارب كثيييييره حيه وامامي وجالست أمهات عندهم أطفال بهالمشكله وأعمارهم مختلفه اللي صغير او كبير أو مراهق وكلهم يجزمون أن الدواء حسب وضع الشخص !!!
شفت كثير نفس العمر والمشكله درجتها نفس بعض كل واحد علاجه غير الأخر !!
كثير الكونسيرتا ماناسبهم وفيه العكس وهذا ينطبق ع باقي الأدويه

كنت أسئلهم أيش الافضل ويقولون شوفي لنا سنوات وكل واحد غير الثاني

فالحكمه انه مو دواء بعينه أفضل لا المناسب لطفل !
وأنا أتكلم من تجربه مو من فراغ

وشكرا

أتمنى تقبلي كلامي