تورطنا بموضوع خطيبة اخوي شالحل ؟

انتبهي تتدخلون اذا اخوك عاجبته
قريب لي خطب وعجبته بس خواته ماعجبيتهم وفركشوا الخطبه وبعدها تزوج وطلق يبي اللي شافها واعجبته لا تدمرون حياتك اخوك اذا هو مقنع مو مهم رايكم

اتقو الله في بنات الناس
تولعونهم بالزواج وتعلقونها ولما تبدا تبني احلامها تجون تقولون نبي نفسخ خطوبتها من اخوي !!

هذا لعب بمشاعر البنات
خافو من دعوتها

خصوصا كل بنت من اول يوم تنخطب " لو الخطبه مجرد كلام مو شي رسمي" تبدا تحلم وتبني حياتها
قبل يتم اي شي
ف ما بالك اذا خطبه رسميه وصارت النظرة
وواافقو ع بعض
ومنتظرين بس يتحدد الزواج

اتركو البنت تعيش فرحتها
خصوصا ان اخوك اعجبته ويبيها
وبصرااحه بصرااحه وبدون زعل
البنت مو ملزومه باهل زوجها عشان تقولين " امي ماراح تتحملها "
البنت ملزومه بزوجها وبسسسس
واذا اخوك عنده علم انها ماتعرف تطبخ وماتتحمل مسؤوليه بيت وزوج وراضي فيها
ف هذا شي يخصه
مالكم حق تفركشون خطوبته وفرحته عشان اسباب تافهه
وبعدين الحين مافي شي اسمه ماتعرف تطبخ
بكرة تتزوج وتنجبر تتعلم
واغلب البنات يتزوجون مايعرفون يطبخون

والواحد مايتقدم بخطوبة رسميه الا هو جاد بالخطوبة ويبي البنت بميزاتها وعيوبها
مو بعد الموافقه يطلعون عيوب البنت و يقولون نبي نرفضها

تقبلي ردي بصدر رحب
بس من جد شي يقهر لاحظته كثير هالفترة
ناس تخطب وبعد موافقه البنت يتراجعون بالخطبة
طيب ومشاعر البنت اللي وافقت عليكم !!؟؟
وحطي نفسك او اختك بمكان خطيبة اخوك <<عشان تعرفين اذا الموقف عادي او لا
ترضين ؟؟

ياشين الخوات اذا تدخلو بخطبه احسن شي الرجل يشوفها وخلاص خواته مو لازم اهم شي هو أعجبته وخلاص ليه توقفو بطريقهم دلوعه عطوه خبر عشان ما ينصدم بعدين اذا يهمه السنع اما بتفركشين خطوبته بدون مايعرف خافي الله ربي يشوف لاتدعي عليك البنت لانها مظلومه وكما تدين تدان

لا حرام عليك تقطعين نصيبها ماعليه بعدين تتعلم ببيت زوجها بنات هاالايام دلوعاات بس الوحده تتزوج وتحب زوجها تتعلم كل شئ علشانه واكيد اختيار الام يكون موفق

استغفرالله كلنا كنا دلوعات ولاطبخ وشغالات عند اهلنا ولانتحمل الابرة وتزوجنا وطبخنا ونفخنا واعيال وحملنا وولدنا والحمدلله ماصار شي
غريبه نظرتكم عشانها دلوعه يازينه الدلوعه