انصحوني وارشدوني

السلام عليكم بنات انصحوني وارشدوني انتم اهل الخبره والمعرفه عندي سلفتي احببتها واعتبرتها مثل اختي ولكن بدات اكتشف انها تكذب علي وفي امور تافهه مثل المواعين والاكل وكذا وووو اشياء استغربتها منها ومره قالت لي سالفه بعد يومين غيرت الكلام كله وقطعتني مررره تخيلو مابيننا الا جدار وفين وفين نشوف وبصراحه مدري زوجها مغيرها عليه لان اشياء نبغى نشتريها زي جوال ايفون مثلا ويسبه ويروح يجيبه لزوجته تخيلوا الصدق انا ماابغى اظلمها والله يستر عليها بس ابغى تساعدوني كيف اتعامل معها وش يدفعها للكذب كل الناس تعرف وتروح احس كبرنا على الحركات هذي ولكم الشكر  

23 تعليق 2,603 مشاهدة

شاركي في النقاش

سجلي الدخول لإضافة تعليق.

التعليقات

19
  1. @tearampsmile

    خلك رسمية ترتاحي
    كثرة الميانة تجيب المشاكل
    السلام و الواجب و الكلمة الطيبة و الابتسامة غير كذا بتفتحي على نفسك المشاكل و تتعبي
  2. @frash_alryf

    صاحبة الموضوع
    هذي هي مشكلتي اني ماكنت معاها رسميه عشان كذا تعبت طيبة قلبي الزايده واعتبترها مثل اختي واعلمها بكل شي 😔
  3. @frash_alryf

    صاحبة الموضوع
    فراشة الريف
    هذي هي مشكلتي اني ماكنت معاها رسميه عشان كذا تعبت طيبة قلبي الزايده واعتبترها مثل اختي واعلمها بكل شي 😔
    والله العظيم في أشياء كثيره تغيرت ولاحظت هذا الشي في الفتره الأخيره معقوله حسد وغيره وأحيانا تناقض كلامها طيب ليش كذا كانت كويسه معي الله يهديها 
    بس كيف أكون رسميه معاها
  4. شوووووفي افضل حل خليك رسميه معاها وقللي قعداتكم وزياراتكم لانه بالنهايه طالما ساكنين جمب بعض ومتزوجين اخوان اكيد بيصير في مشاكل فاشتري راحه راسك من الحين

تابعي تجارب أخرى من هذا القسم.