صباح الخيرات
ااااه تعبت مليت من أسلوبه مايعرف حقوقه يابنات زوج نكدي لي يومين جاني الم ببطني
ومغص وألم من بداية المعده وإسهال وأنتم بكرامه والشعور بالاستفراغ مطنش يوم جاء الصبح
أمس ماقال ابوديك المستشفى شايفني تعبانه والله مانطقها لي لان كل ماتعبت أقوله يقول معليش
تتعافين وهالمرة ماقال ابوديك جاب بيره شعير شربت شوي ولاقدرت اكمل ورحت ونمت ماحسيت
بحالي قلت أكيد العصر يوديني المهم نمت وجاء صحاني اسمع جاه اتصال من اهله ان أمه
تعبانه وراح لها أثاريه موديهم مستشفى خاص وتحاليل ب 2000 😥
قلت ليش مااخذتني معاك اكشف وياكم قال من جدك اشيلك معي مورجال الي
يشيل حرمته مع أمه 😳 قلت ليش مو ام عيالك أنا وايش فيه ذولي اهلي مافيها
شي المهم كلمه مني وكلمه منه قلت انت أصلا متخسر في الفلوس ماعليك
كم مره عمليتي تلتهب والاااام ولاقلت بتوديني عيادات أسنان مافكرت توديني
😖 والله يابنات أسناني معدومه وشوي بتطيح والاااام المهم صرت أتكلم واتهاوش
معه ثلاث ساعات ماحسيت بحالي انقهررت وتعبت نفسي وهو ماعليه صبرت على
غثاه وغثى أمه يابنات والله آذتني وسكت وصبرت عليهم وآخر شي قال حنا ماننفع
لبعض اريح شي الطلاق بنات أنا صبرت على قهر وظلم وتقصير وحرمان تزوجت
ابي إنسان يريحني يحس في يحن علي يعاملني مثل معاملته لاهله إنسان اخذوه
رجال ونفعه لاهله اما أنا يماطل بحقي كثير تعبت من لسانه واتهامه وكل شي
بنات هو مقتدر وعلى نفسه مايقصر أبد أبد وانا ينزل لي حافز اخذه كله بُح
لعب بحسبتي لعب ويقول ابسددك المهم ذاك اليوم طلعنا بعد زن شهر عشان
يطلعني واشوفه مستعجل يبي يرجع للبيت قلت إِيش رأيك نروح نتعشى بمطعم
والله يابنات قرفت من سجن البيت قال لااااااااياشيخه 😔 من جدك إنتي يوم
شفت مافي أمل انه يوديني قلت خلاص حق العشاء انا ادفعه😔
يابنات دايركت وهو رايح للمطعم أثاريه محسب على الفلوس مايبي
يدفع قلت اهم شي اوونس عمري هاذي الفلوس ثلاث مئه عينه عليها
من قبل فتره يوم شافني ابدفع ماصدق يابنات يكره مايطيق يشوف معي
فلووس يبي يطيرهن باي طريقه حتى حافز قضئ عليه حسبي الله
وامي الله يخليها لي ويشفيها زمااان كانت تقول الزوووج حاسد
والله كل ماشفت حركاته تذكرت كلامها تعبت منه يابنات وصارت
حاجات كثيره ودي اقولكم عليها بس اختصرت
بنات ادعووولي تكفووون الله يجزاكم خير
استغفرالله وأتوب اليه
شاركي في النقاش
سجلي الدخول لإضافة تعليق.
التعليقات
16- الله يطمن قلبك ويشرح صدرك ويريحك يارب 💔
- اسمحلى الغلط منك حقوقك مو تترجيه يسويها ع طول البسى وهى ودينى المستشفى لم تكون تعبانه امه واهله وبره بهم وخدمته لهم مالك شغل فيه الا انك تزيدين الحبل صله لاتقارنى بينك وبين امه حتى في نفسك اى فلوس تجيك المفروض مايدرى عنها وين راحت ومن فين جيت لا تتكلمى كثير وتراددينه وكلمه منك وكلمه منه خليك قليلة كلام غامضه مايدرى وش وراك
- الله يسعدكم حبوباتي
ااااه والله ضايقه في الوسيعه حسبي الله ونعم الوكيل هو نعم الولي ونعم النصير - الله يعينك ويسخره لك ياشيخه عندي وعندك خير احيانا اقول يارب انا وش سويت بعمري انبليت بزوج كذا بس ارجع واقول هذا نصيبي شسوي افرش سجادتي وادعي الله ماتانم عينه يسخر زوجي لي شسوي
- 😔
أمين يارب ...الله يعينك حبيبتي ويفرج همي وهمك يارب
الحمدلله على كل حال
مواضيع مشابهة
تابعي تجارب أخرى من هذا القسم.