مشكلتي اني بشعه/ قديم

والله شوفي ياطويلة العمر مستحيل تكونين بشعه لهدرجة كل انثى فيها جمال البعض ظاهروالبعض ممخفي واذا عالاهل لاتاخذين بكلامهم ترا احيانا يكون فيه بنات جميلات بس يشوفون انفسهم بشعات ليش بسبب الي حولهم تعرفين مجتمعنا كثير يحطم ويسبون بعض بالشكل بالنسبة لخشمك لازم تصلحين عملية تجميل اسالي عن مستشفيات ممتازة واتصلي عليهم اسالي كم سعرالعملية وحاولي تجمعين المبلغ وروحي صلحيها بالنسبة لشعرك كلنا نشتكي من التساقط بس كويس انك بداتي تعالجينه واستمري بشرتك اهتمي فيها ترا البشرة الصافية نص الجمال زي مافية جمال بالفطرة ترا فية جمال مكتسب يجي بالاهتمام وانصحك تكونين واثقه في نفسك واذا تطلب الامر روحي لطبيب نفسك لان نظرتك لنفسك فيها نوع من الاسائة لنفسك وصعب جدا جدا تعيشين كل هالعمر وانتي تشوفين نفسك بهالنظرة ولاتتوقعين ان الي حلوة ماتتزوج والله ان البنات الي مو حلوات تزوجوا قبل الجميلات وفوق هذا حظهم حلو مااخذوا الى احسن الرجال تراها توافيق وحظوظ من ربي وما ذلك على الله بعسير شوفي سبحان الله دنيا بطمه كيف كانت بشعه وكيف صارت وتغيرت اذا انتي نحيفة فترا بعض النحف بشع اسمني واذا جسمك اسمر استمري على خلطة بياض الثلج غيري طريقة لبسك ذوقك الوانك شفي وين النقص فيك وكملية وصدقيني مع الاهتمام كل شي بيتغير والله اني شفت هذي السنه بنات كثثثر كانوا شينات ولافيهم ذرة حلا قابلتهم صاروا يهبلون وتغيروا ومفتاح التغيير الاهتمام

سبحان الله وبحمده♡سبحان الله العظيم

شالكلام اللي تقولينه عن نفسك!!
حسيت من كلامك انك طمووحه وعندك ثقه بس انك سمحتي للناس تهززك
حبيبتي لو كل العالم تشهد انك بشعه ماعليك من احد اهم شي انك راضيه بشكلك ومرتاحه داخليا
مالومك ! الناس وخاصه مجتمعنا ناس حقييييييره ومجتمع يحب المظاهر مايملى عين الناس الا التراب لو انها ملكة جماله علقوا على البثثره اللي بخدها او يقولون هي جميله بس قصيره او هي حلوه بس شعرها !! ترى اغلب الناس اللي بمحيطي ومحيطك يبون الكمال ومافي احد كامل ! كلنا نتفق على ان الي داخل اهم وفعلا هالشي ثبت لي !
ياما بنات تتهرب من ناس بسبب اشكالهم وبعد ماعرفو شخصياتهم صارت الناس تباهي وترحب وتمدح بشخصياتهم
ذكرتيني بمعلمه كانوا البنات يتهربون ويضحكون على شكلها وانا ماكنت ادقق فيها ماعندي فكره عنها بس بعد مادرستني وعرفت شخصيتها والله والله صرت اشوفها بعينننننني جميلللللللللللللله الجميلات هالانسانه رائعه بشكل ماتتصورين !
الناس اللي بترمي عليك كلام ماشافت الا الظاهر وترمي كلام مايثمن وهذا يعكس بقصور في ثقافتهم وتخلفهم !
دايما الاغلب يتفقون على ملامح معينه ببحسب كل ثقافه والاغلب (يحبون الانف المدقوق والبياض والشعر الطويل والعيون الواسعه )وعلى اي اساس هالصفات دلاله على الجمال يعني مثلا ممكن يكون السمار احلى من البياض بس وجهة الاغلب يحبون البياض وهذا مفهوم ورأي نسببي فالقدره الالهيه تخلق الجممميل والحسن والحكم يرجع للبشر !!! فهمتي علي لاتخلين وحده تهززك بالعكس خليك واثقه تزيني واكشخي وتدلعي لين يموتون وردي عليهم بعد ! وقوي ثقتك بنفسك وهو انك تشوفين ايجابياتك يعني لو نفرض ان طولك ممتاز وجسمك رشيق ترى في جميلات كثير يتمنون الطوول و و و و ....ترى حتى الجميلات يفتقرون لبعض الاشياء !
انا شخصيا في ناس تشوفني حلوووه وناس بنظرهم عاديه بس بظل واثقه من نفسي واذا حطيت مكياج ينهبلون البنات فيني وهالشي مايزيدني ثقه لاني واثقه من الاصل !
بغض النظر عن الشكل انا من خلال معايشتي لجو الجامعه الناس تنجذب لاسلوبي بالكلام وسوالفي وتعابيري وجمعت صداقات وعلاقات بسبب شخصصيتي العفويه اللي انفرضت تلقائيا حتى الاجمل مني يتمنون يماشوني ! بس بوضح لك ان شخصيتك وقلبك هو اللي بيجذب لناس لك !!!
احيانا في ناس تنجذب للبسي واحقرهاا كثير لان الشكل والظاهر والله مو كل شي
ويستحقروني اذا شافوني امشي مع وحده بشعه بنظرهم !
خلي اهتممامك ارقى من كذا ! اهتمي بالفكر بالثقافه بالعلم بالقلب وبتحسين وتغيراخلاقك للافضل ! موشكلك اللي ربي خلقكك عليه واللي كرمك فيه ! احسن من انك تكونين مضغة لحم !مافيها ملامح !
كلامكي هذا من واقع تجربتي لاني عاشرت جميلاتتتت واخلاقههم وربي وعععععععععع وقرف وماصرت اتباهى بجمالي لان الجمال خداع مجرد مظاهر ونصصصف اعجاب لا اكثر
ياما جميلات احترقوا وتشوهوا ياللي تعايرين نفسك بالتشوه !!
وش فادهم جمالهم الحين
حبيبتي انتي خليك حبوووبه وقووويه واهتمي بطموحك بفكرك بعلمك هذا الشي اللي بيرفعككك واهتمي بانجازاتك مو باشياء جاهزه ربي فطرنا عليها !
الشي الوحيد اللي بيخليك معجبه بنفسك كثير ثقتك وانجازك وصدقيني بتحبين الحياه لان اهم شي السعاده الداخليه

الجمال جمال الروح لاتهتمين لحد ابد وعيشي حياتك وارضي ربك وثقي بنفسك والدنيا ماتستاهل انك تحطمين نفسك كذا سوآ كنتي جميله ام لا نهايتك تراب اهم شي الخلق الحسن والعمل الصالح وانا اختك واسأل ربي يسعدك بالدارين