وعدت لكم بمشاكلي ●● << مشكلة عضوة بالمنتدى

الله يفرج همك
الصبر الصبر مالك الاالصبر واتركيه بحاله مع الوقت بيرجع ويندم على سواته فيك
الحين طاير بالعجه مع الجديدة خله يشبع فيها لامل بيجيك يجر ذيله وباتشوفين ساعتها اعرفي كيف تحاسبينه
وأم الضرب لاتسكتين له ابد

امساك بمعروف او تسريح باحسان
تبغيه اصبري عليه

تبغي عيالك وضامنه اهلك ماراح يرفضوهم وتقدري تعيشي مطلقه تطلقي وعيشي مستقله بعيالك

وبيعيش متهني معاها وانت حتحسي واحد من اتنين بيبي ستر لعياله او انه عيالك عوض لك وطز فيه

قلبك جامد ارمي عياله ينبلش فيهم وروحي لاهلك وتطلقي ولو في امكانيه احرقي قلبه وتزوجي وخلفي من التاني بعد
او تطلقي وعيشي حياتك وطوريها وارفعي قضيه يزوروك اطفالك اسبوعيا


اعطيتك كل الحلول
انت ايش تقرري

او اغلبها انت صاحبة القرار بس ان قررتي لازم تتحملي تبعيت هذا القرار بحلوه ومره

حسبي الله ونعم الوكيل ...
شوفي حبيبتي هو جدا مبسوط انو انتي ساكته وجالسه تغطي على ظلمه لك ..
انتي اعتبرتيهه صبر وباذن الله مأجورة على صبرك...بس هو اعتبرة انو انتي لك حياتك وانا لي حياتي .؟؟؟؟؟
شوفي حبيبتي الى زي زوجك يبغاله حرمه تكيد له من تحت لتحت وكيدك هذا راح يقلب له حياته ..افهمي معنى كلامي زين ..الكيد هذا راح يكون لصالحك ..حتى لو ماستمتعتي به
اهم شي غيرك مايستمتع وانت تعيشي بقهر وحرقه هذا الظلم ...
الزواج الثاني مو معناه قهر وظلم لا
الزواج الثاني معناه تعدل بيني وبينها ؟؟
واذا ماحصل العدل ...هنا لازم تشغلي
مخك في في الي ينكد على حياته
واقلبها على راسهم هم الاثنين
انا واولادي وراحتنا ومن بعدي مليون طوفااااان ؟؟؟؟؟؟؟
🌺🌺🌺🌺🌺🌺🌺🌺🌺

شوفي مانقدر نقلك خطأ لأنه يعتبره حق من حقوقك
لكن بالمقابل النفس لها كرامة
خلاص هو مايبينا الله غني عن شخص مثل هذا
مثل هذا انا انزعه من قلبي
انا اللي بنفسي اخليه يروحلها وافتك من غثاه
مثل هذا مايمكن افكر ايش المشاعر اللي يكنها لي
لأني انا اعتبره ماله وجود بالحياة اساسا فكيف اني افكر بما يقدمه لي !؟
البعض يقول اتركه لها ؟ اتركه واترك كل شخص صغير ممكن اي انسان يسحبه لجهته بكلمة وكلمتين
الشخص اللي ممكن ينسى عشرة العمر ويدوس عليها انا بهالوقت انسى واجحد انه كان بيننا عشرة عمر اصلن !
الرخيص اللي يبدل المعروف وينكره بمجرد لقي البديل هذا بدل ماينسى الايام اللي بيننا انا اقوله وهل كان بيننا اساسا شي!؟ او اي معرفة؟!
اهم شي يقوم بواجباته من مصروف ومثله
اما المشاعر اذا انكسر شي بالقلب الله غني عنها
انا اتكلم عن وجهة نظري واوضح لك الأمور بطريقتي ممكن انها ماتعجبك وتصري انه يمنحك مشاعر ويقابل معروفك بالمعروف
لكن ودي اعلمك شي الدنيا ذي بتشوفي فيها العجايب
لا تظني انك احسنتي حتلاقي الشخص اللي راح يحسن
لا تظني انك اذا حملتي نفسك فوق طاقتها الجميع بيقدر
انا لما أحسن لشخص ماعمري فكرت من وراها مصلحة
يا اما أحسن لشخص لاني استمتع بهذا العطاء واجد فيه متعتي والأجر من وراء ذلك
يابلاه من عطاء!
العطاء اللي نسويه وننتظر من وراه مكسب ذا اصعب أمر لانه اهدار للراحة النفسية لاغير! استوووعبي
الدنيا ذي لو ماتدافعي فيها عن نفسك و تسعديها القت بك الى الهاوية
انتي صديق نفسك وانتي عدوها
لنفسك عليك حق التفتي لنفسك شي مؤلم انك مازلتي تتأملي يرجع لوعيه ويحبك
يكفي انتظار ممل يكفي ظلم لنفسك يكفي ملاحقة للأخبار عشان تعرفي كيف حياته
مثل هذا المفروض لو تجيك الاخبار عنه لحد عندك تصمي اذنك بإيديك عشان لا تسمعيها
من باعنا بعناه ولو كان غاالي
التفتي لدينك ونفسك وعيالك وطموحاتك لاتتبعي اخبار زوجك وتروح حياتك كلها هباء
ماابيك تستمري ع هالموال وتفوقي بوقت ممكن يكون فات الاوان على التغيير وفات الاوان على استيعاب كل خسارة ممكن تخسريها بحياتك من ورا الركض خلف زوج باعك رغم احسانك
العمر اللي قاعد يمر وانتي تندبي حظ وتتأملي يرجعلك عاشق محب يكفي احلام تافههة ماتغير من الواقع شي
نعيش واقعنا بكل مر خير بألف مرة من اننا ننتظر احلام لن تتحقق
القوي هو اللي كل ماصعبت عليه الحياة واجهها بقوة كأنه يقول هات اقوى سهامك انا لن استسلم لدي من الخطط مايكفيي لاستسلامك بدل عني .
غيري حياتك وانسيه وجود زوجك خلك كل همك رضا ربي ثم نفسك و ابنائك
اوزني الامور من جديد وعيدي خطط حياتك صدقيني راح تشعرين بالسعادة الحقيقية


طولت بكلامي لأنه طلع من القلب واتمنى يلامس قلب ولايروح هباء منثورا
كلامي لوقسيت فيه مااردت بذلك الا مصلحتك🌹