وعدت لكم بمشاكلي ●● << مشكلة عضوة بالمنتدى

كلام سليم

استخيري الله والله العظيم الرجال اللي مايخاف الله ويعدل ماينفع معاه تركضين وراه لأنه ماراح يجيب نتيجة خلاص هو حسابه على ظلمه عند الله باقي أنتي ايش حلك للمشكلة ...تركضين وراه وهو صادك راح يزيد نفور منك ....2 تضحي لأجل أطفالك وتتناسيه لأن النسيان صعب بس تحاولي تخرجيه من حياتك وتعيشي لعيالك بدون ماتسألي عنه حابه ذكريه بأنك مو مسامحته وانه حقك عندالله وانك بتضحين عشان العيال ...3 اذا مضرورة وانتفى الهدف من الزواج وهو الإعفاف يحق لك تكلمي اهلك يطالبوه بالعدل أو خيار الطلاق .....وهنا تحطي أسوأ الاحتمالات انه فعلا ممكن يطلق لأنه اكتفى بالزوجة الجديدة .....محد يقدر يقرر عنك هذا قرارك الاستمرار او الانفصال .....لكن اللي نقدر نساعدك فيه انه فعلا لاتركضي وراه قومي ببيتك وعيالك وادعي الله وفعلا اثقلي عليه وصيري صامته تجاهه الله يفرج همك

وأنتي استشرتي لأنه مد يده عليك حقيقة هذا الأمر لو هو فعلا ضرب مو رفع يده وانسحب فما يصلح فيه السكوت لاتخلي خوفك من الطلاق يتسبب في إهانتك ....كلمي أخوك أو أبوك واشرحيلهم وضعك واسمعي نصيحتهم هم رجال وأعرف منك خاصة إذا هم يخافوا الله ومو من النوع المستبد للمرأة