تجمع امهات يناير و فبراير الجميلات 👼🏻💐

الله يعينك وييسر لك أمرك هو كذا خلاص نجي للأخير ونكسل بس ليتك استغليتي تخفيضات الاثاث هوم سنتر وذي الأماكن الحين القفاري مسوين تخفيض لو تروحين تشوفين عندهم اثاث وسمعت انه حلو انا اخذت من زل بالنسبه للشغاله افضل تاخذيها بعد اسبوع من التاسع يادوب يمديك تعلميها على بيتك وعلى الاشياء اللي تبغيها وتتعود على بيتك

الله يكتب أجرك ويقومك بالسلامة ويتمم حملك على خير ويفرحك بشوفة مولودك بصحة وعافيه💕

صباح الخير ياصبايا
الله يهون عليكم حبيباتي وييسر أموركم
ماتتخيلوا لما أقرأ مشاركاتكم أحط نفسي مكانكم وأشيل همكم .. والله أدعي لكم من كل قلبي يابنات ربي يفرج على كل مهمومه
ويريح خواطرنا جميعًا ويبشرنا باللي يسرنا
كلنا عندنا أشياء ماخلصناها بس ربي بيفرجها وان شاء الله مانولد إلا ومشطبين كل شيء


أنا صحيح خلصت مطبخي ورتبت كل شيء واشتريت اغراض الصيدلية وحتى الرضاعات واللهايات اشتريتهم وعقمتهم وحطيتهم بصندوق نظيف ومعقم
ورتبت كل الملابس الجديد منها والقديم وغسلتهم
بس عندي الشيء الأكبر ماخلصته
غرفة بنتي والبيبي لسا ماعدلت فيها ولاشيء
بغير كل شيء فيها من صبغ وأثاث .. زوجي اليوم آخر يوم دوام له وبعدها إجازة وقالي خلاص بفضى للمشاوير وبخلص أمرها
وحتى غرفة نومنا يبي يغيرها بس أنا مافيني حيل ولا لي مزاج اختار وأنسق أبدااا
وما أبي اتكركب صراحة خليني على غرفة بنتي وبس
ويارب إنك تيسرها من عندك واخلص كل شيء وارتاح عالآخر

والله انا جاني قبل شهر تقريبا ورحت ما اعطتني الا مسكن مارضيت تعطيني مضاد بس قالت كثري مووووويه وفعلا قاروره ورا الثانيه يومين وراح وارتحت

يابنات إلتهاب البول
الدكتورة اعطتني مضاد حيوي خمسة أيام وراح اسمه هايموكس
وفعلا المويه الكثيرة مهمه هالفترة من غير إلتهاب فما بالكم لو صابنا إلتهاب .


لؤلؤة ..
ترى نستثقل شغل البيت وكل هذه الأمور
بس الصعوبة كلها في البداية بعدين كل شيء يصييير سهل سهل
يعني الخطوة الأولى هي أصعب شيء
والله اول ماتبدأين او اول ماتجيبين الشغالة بتخلصين وبتقولين يااااه وش كثر كنت شايله هم وطلع كل شيء سهل !!
صدقيني كل الأمور اللي شايله همها من أثاث وتنظيف بتخلصينها بأقل من أسبوع لو بدأتِ الخطوة الاولى .


أم عمر .. ربي يعافيك ويطمن قلبك وان شاء الله مافيك إلا العافية بإذن الله
أتوقع عارض من أعراض الحمل لكن جاي شديد عليك أو زي ماقالوا لك البنات ممكن نفسيًا مخلي هالشيء يزيد عليك
المهم طمنينا عليك إذا رحتِ للدكتور .