زوجي امرضني

ههههههههه حلاوي شكلك توك متزوجه من سنتين ثلاثه
اغلب العرايس كذا تدقق على تصرفات زوجها لحد ماتمرض نفسها
انتي يا حبيبتي ابدأي بالمصارحه لان وضعكم مميت
لازم انتي تبادري بأصلاح حياتكم
اجلسي معه وكلميه قولي له انا احبك وابي اعيش معك مرتاحه ومالنا الا بعض
تعاتبني ليه مااطبخ ومافيه غاز ولا مويه تبيني اشحت وله اسرق
قولي لو مامعي رجال الكل بيلومه كان طلعت اشحت لكن انت الرجال والملزوم تجيب مقاضي البيت وتعال حاسبني لو قصرت
خبر حملك
الله يتمم عليك يارب هالمره وتجيبين احلى نونو بيشغلك عن زوجك بنسبه كبيره لكن لو حملتي في المستقبل
لا تعلمين زوجك الا اذا ثبت الحمل علشان لا يخبر الناس وتزعلين اذا تقدرين.
حياتك يبيلها ترتيب ويبلها صلاة ليل ويبلها دعاء
صفي ذهنك شوي وقولي بنفسك وبقلبك انا قادره اني اغير كل شئ واخلي زوجي يعشقني
تحديه انه يحبك ويحترمك.
صدقيني اغلب المتزوجين الثلاث سنوات الاولى يصير فيها تصادم كبير وقلق لحد ما يتأقلمون على بعض
ويعتمد هالتأقلم بالمقام الاول على ذكاء الزوجه وصبرها
اصبري ان الله مع الصابرين.
والله يوسع عليكم يارب ويصب عليكم الرزق صب

خذوها قاااااااااااعدة ياحريم

الزوج لما ينضغط ماديا مستعد يصغر عقله حتى يصير تااااااافه جدددددا

والله هذا يصير مع كل الرجال
مايقدرون يقولون حبيبتي زوجتي ضروفي هيك وهيك وفترة وتزول وتشوفينه يحاول يشتغل شغله تفيد لاااا
تلاقينه بس يناقرك وينكدك وبدون فايدة

وسالفة انه يجرح بانتقاداته صددددددقيني انه جرح في نفففففسه انه منقص عليكم ماديااااا ووده يجرح فيك يرد شوي من كرامته

واحس انه يحبككك صراحة

لكن اصبري ووفري اكل يتفرزن مع كل راتب وخليه للزنقات وجيبي له امثلة ناس فاتحين حسابات بالبقالة وجيبي له قصص خلي يتغير لان بعض الرجال يفكر انك لو عرفتي ان عنده حساب بتصيرين تطلبين كثييييير وبيسدد مع كل راتب المبالغ الكبيره .. هو يفكر كذا

ياكله تبن زود على ضروفه تعبانه يضغط علي انا اخبر المزنوق بتودد لمرته مو يكرها بحياتها من جميع النواحي
فال لك ريحه عرق اجلسي ثلاق اسابيع خليه ينسئ سالفته ومن يمشي من قدامك قولي اف لك ريحه
واذا البيت مصفر وقااك وين الاكل حطي صحون فاضيه وحطيهن له مالت علبه زود ضروفه تعبانه يلوع كبدتس
وبعدين اللي تبي الجنه تستغفر وتطلب الله يرحمها وتصوم وتحج وتزكي مو من رجلها

والله ي شيخه ماحد ماكل تبن الا انا
جتني نفسيه صرت انتف شعري منه
يجلس بالاسابيع زعلان ولايحن ويقول ذي تعبانه ارحمها

احس انتي متوتره من الوحام وهو متازم من الديون دامه اذا كان معه مايقصر اصبري على شدته وتحملي تهدأ اموركم تبينه يشحذ ولايسرق يابنت الحلال
الله يصلح حالكم