اخت زوجي ساعدوني

16 سنة ما شافو بعض حرام وما شاف امه بعد الله يعينه

مثل ما قاالوا الخوات ،، سولفي معها بأشياء تخص البنات والدراسة وإذا قدرتي تطلعين معاها وتتسوقون بالمجمعات بيكون أفضل ..

استغرب من لي تقول لاتتدخلين بينهم ياجماعة الخير زوجها يبقى يصل رحمه وانتم تنصحوها بالقطيعة يظهر انو اهليكم مقاطعينكم  ومايعطونكم وجه ومن الحسرة الي في قلوبكم والغيرة تبون كل الناس يصيرون نفسكم مقطوعين من شجرة . . لاتصدقو ترى امزح معكم ههههه


بنسبة لصاحبة الموضوع انا اشجعك انك تتوصلين معها بصراحة زوجك قلبه ابيض يحب اخته من ابوه مهتم فيه جزاه الله خير الله يعطيه على قد نيته
اما بنسبة لك اتكلمي معها عن دراستها وصديقاتها وطلعتها وخرجاتها ايام تطلع تتمشى واش هويتها واذا كان عندها مشكلة او اش لي مضايقها او ان كانت مرتاحة في مدرستها اولا واش تخطيطها للمستقبل وكل مرة تكلميها اهتمي بسلام على اهله وامه لو كانت عايشة قولي لها كيفهم اهلك عساهم بخير سلمي على اهلك وزوجي يسلم عليك وعليهم ومن ذا الكلام لازم تعرف نيتك طيبة ومالك في تخريب بينها وبين اهلها لانك ماتدري اهله اش قالو لها عنكم لذالك سملي على اهله بيني لها انكم ماتحملو لهم اي ضغينة او كره 


واول شيئ بيني لها انك حبيتيها وتعتبريها مثل اختك
مثلآ تقولي لها انك حبيتيها وزوجك كذالك حبها وقولي لها اعتبريني مثل اختك الكبيرة واي شيئ تبقي اطلبي منا نحن اهلك وعزوتك وانتي اخت زوجي واختي وزوريها وخذي معك هدية مثل طقم ذهب وعطر وشنطة حلوة وكتاب مفيد وغليفي الهدية  او حطيه في كيس فخم حق الهداية واكتبي في البطاقة من اخوك وزوجته المحبين لك او على حسب امكانياتكم المادية تكون الهدية 


وايضآ بين فترة وفترة ارسلي لها رسائل دينية دعاوي واحديث مثلآ يوم الاحد بلليل ارسلي لها عن فضل صوم يوم الاثنين ويوم الاربعاء في لليل ارسلي لها احديث عن فضل يوم الخميس ويوم الخميس في لليل ارسلي لها حديث عن فضل يوم الجمعة فضل الصلاة على الرسول صلى الله عليه وسلم وعن فضل قراءة سورة الكهف والدعاء يوم الجمعة وبعد ارسلي لها عن فضل صوم ايام البيض وعن فضل قيام لليل خلي كلامك معها اغلبه عن حالها وعن امور دينية واساليها ان كانت حافظة شيئ من القران او لها نية في الحفظ اذا ما كانت حافظة 

وتواصلي معها كل اسبوع شوفي في البداية لمدة شهر ان وجدتي منها قبول ومبادرة بحيث تراسلك وتتكلم معك عاد دقي معها صحبة واذا شفتي ما عنده قبول وكذا خلاص راسليها بين فترة وفترة كذا كل بعد اسبوعين اوكل بعد شهر اسالي عن حالها الى ان تفتح لك قلبها والله يعينك ويوفقك على صلة الرحم ويكتب اجرك لان صلة الرحم متصل بعرش الرحمن 

والله يؤلف بين قلوبكم ويصلح ذات بينكم 
امين 

طيب وين المشكله كل شي حلو واخوانها يتعودون عليها توكم مالكم الااسبوع مع الوقت بيحبونها

وعليكم السلام ورحمة الله وبركاته

ليش بعض العضوات ينتقدوا فعل إن دل على شيء دل على الخلق الرفيع والحنان؟

زي ما قالوا البنات: القدرات, التحصيلي, الجامعة, الهوايات, الإيمانيات, الملابس, الشكل..الخ..