ابي مشورتكم

السلام عليكم
انا جديده في المنتدي و ابي مشورتكم في موضوع
انا ي طويلات العمر متزوجه لي ١١ شهر تزوجت واحد مطلق اكبر مني ب ١١ سنه تقدم لي كثير وكان ابوي و امي يرفضون لين وافقوا ع زوجي معاه ولد عمره ٩ سنوات
المشكله ان ي بنات احس ما حبه مافي بيني وبينه حب حاولت كثير بس دايم رده يرفع الضغط اذا قلت له احبك يرد علي -طيب- مابي منه غير الكلمه الحلوه الحين له مسافر لشغل برآء المملكه لوحده قلت يمكن السفره هذي تقربنا من بعض صرت ارسل له رسايل بس ما يرد علي غير كلمه وحده يعني لو ارسل من وقت ما أقوم الى ما انام و مايرسل الا رساله وحده مغبونه و امي دائماً تقول لي انتي مو من البنات الي الحين رومانسيات انا احاول معاه بس ماش احس ما يعطيني مجال وقبل كم يوم ارسلت له انت اشتقت لي ؟ رد - والله انك تشكين فيني الله يسامحك - انا انصدمت مين جاب طاري الشك الحين ًوالله ي بنات احس ماله مكان في حياتي الحين انا حامل في الشهر السادس وراح يرجع بعد أسبوعين ايش اسوي و الله محتاره احس اني ضايعه و مظلومه بالزواج معاه دايم امي تقول انتي السبب صح نسيت اقول احس انه مايبيني أتدخل في أشيائه يقول اسرار خاصه و اذا مزجت معاه قلت بفتح جوالك ايش رقمك السري يقول بديتي في حركات التفتيش بس مزح يقلبها جد تعبت ساعدوني الله يسعدكم


لا اله الا انت سبحانك اني كنت من الظالمين

5 تعليق 544 مشاهدة

شاركي في النقاش

سجلي الدخول لإضافة تعليق.

التعليقات

5
  1. @bhralaan

    يابنت الحلال الكلام هذا لك ولكل بنت بالمنتدى رجالنا مافيهم رومانسيه هذي طبيعتنا من صغرهم حتى الدموع لابكو قالو انت رجال والرجال مايبكي !!! البيئة مافيها رومانسيه ابد انا قريت مقال لطارق حبيب روعه وكلام صحيح اعتبري الرجال مصروف وذريه بيت معززه مكرمه فيه ماحد يقول نامت وقامت ومصروف ماتحتاجي لاحد واولاد يسندوك وقت كبرك لا تفكري لابكلام حلو ولاغيره بعض الرجال لاجاب اغراض للبيت وعطاك مصروف هذا قمت الحب والرومانسيه عنده
  2. يابنت الحلال لا تهدمين حياتك عشان كلام فاضي هذاني سنين متزوجه ولا عمر زوجي قال لي احبك وياما حاولت اول أيام زواجنا ماخليت شي ماسويته ولا كلمه ماقلتها اخر شي قال انا مااعرف حق هالكلام ولو مااحبك مانفذت لك طلباتك وكان نكدت عليك عيشتك وشفتيني مااعطيك وجه خلاص تقبليني مثل ماانا وانتهينا
    اذا زوجك مو مقصر عليك ويعاملك بمايرضي الله وطيب معاك خلاص هذا اهم شي في رجال مايعرفون يعربون ابد عن حبهم لزوجاتهم وبتشوفين مقدار حبه لك بافعاله وشوفي كيف لا جيتي تولدين وصارختي وسمعك وشفتي الخوف بعيونه بتعرفين الحب أفعال مو كلام وياما حريم ازواجهم ليل ونهار كلام حب ورومنسيات واخرها يخونها اذا انتي بنعمه مع زوجك احمدري ربك عليها
  3. اثقلي عليه وبس الحين بيجي البيبي وبيملى حياتك .. هذا مايمنع انك تجلسي معاه جلسه حلوه وتقولي له يافلان انا انثى احتاج منك كلمه حلوه












    ربي لاتختبر صبري بفقدي لعائلتي ومن أُحب ، الموت قدرك لكنه مؤلم للحد الذي يجعلني اتمنى آن أرحل قبلهم جميعاً
  4. صاحبة الموضوع
    fatoomah123
    يابنت الحلال لا تهدمين حياتك عشان كلام فاضي هذاني سنين متزوجه ولا عمر زوجي قال لي احبك وياما حاولت اول أيام زواجنا ماخليت شي ماسويته ولا كلمه ماقلتها اخر شي قال انا مااعرف حق هالكلام ولو مااحبك مانفذت لك طلباتك وكان نكدت عليك عيشتك وشفتيني…
    بس يا اختي والله العظيم من تزوجته ما يجلس معاي أبد لدرجه احس بالنقص تعبت والله ولا يسولف ولا يفتح موضوع دايم ساكت و يلعب بالابتوب ولا الجوال ولا الايباد وانا يعني احس عايشه لوحدي بالبيت



    لا اله الا انت سبحانك اني كنت من الظالمين
  5. صاحبة الموضوع
    بحرالعنى
    يابنت الحلال الكلام هذا لك ولكل بنت بالمنتدى رجالنا مافيهم رومانسيه هذي طبيعتنا من صغرهم حتى الدموع لابكو قالو انت رجال والرجال مايبكي !!! البيئة مافيها رومانسيه ابد انا قريت مقال لطارق حبيب روعه وكلام صحيح اعتبري الرجال مصروف وذريه بيت مع…
    ي قمر انا ماطلبت كلام رومنسي ولا حتى يطلعني ابي احس اني متزوجه رجال يحس فيني يسئل عن احتياجاتي دايم مشغول والله العظيم ما تذكر ان قد جلسنا وفتحنا موضوع واحد


    لا اله الا انت سبحانك اني كنت من الظالمين

تابعي تجارب أخرى من هذا القسم.