أكبـــــــــــــــــر تـجــمــــع لـ صاحبات الـشعر الكيرلــــي .. تعالوا نفيد بعض :)

@aaashk_alsmt_1

xxxxxxxxxxxxxxxxxxxxx
عفوا .. الصورة مخالفة

هلا والله وغلا بـ حبيباتي ..
شخباركم يا حلوين ؟ شخبار إجازتكم ؟ ان شاء الله كل شي تمام ..،

هذا الموضوع بإذن الله نبي نجمع فيه تجاربنا الناجحه وطريقة تسريح الشعر في
الايام العاديه والدوام اليومي
الزيارات البسيطه
ونبي نتكلم بعد عن أكثر تسريحه طلعت معك حلوه ومرتبه وثابته في العزايم الكبيره والأعراس وصرتي دايم تسوينها .. واخيراً نبي نتكلم عن العنايه والإهتمام وكل شي يفيد الشعر الكيرلي ..

وفي نفس الوقت نبي نتكلم عن المفيد من ..
سيريوم ، شامبو ، بلسم ، حمام زيت ، انواع كريمات تخلي الكيرلي مرتب (تنسق الكيرلي) ،كريمات عنايه ، زيوت مفيده .. وكل شي تعرفونه ..

وأتمنى منكم انكم تتفاعلون .. وانا ببدأ بـ نفسي ..
واذا شفت تفاعل منكم بكمل بإذن الله ..

بس بنات يا ليت كل تجربه تكتبونها تكون فعلاً مرتبه وحلوه ع الشعر ..


أوكي انا صراحه مو مره أحب أسشور شعري ..
لأن أحس الكيرلي أحلى على وجهي بـ كثير ..
بس مو دايم يضبط الكيرلي ويكون مرتب .. أحياناً يعنّد
فـ لابد الوحده تعرف شلون تسشور شعرها زين للطوارئ
فـ اللي تعرف طريقه حلوه وسهله للسشوار يا ليت تعلمنا
بـ كل تفصيل بدايةً من نوع السشوار والسيريم وأفضل انواع الفرشاه ..


أنا ببدأ ..

أنا بصراحه مررررررررره مناسبني بانتين بديل الزيت
Oil Replacement
أتسبح وأطلع من الحمام الله يكرمكم .. أحط على شعري كأنك تحطين أي كريم عادي
وأمشطه وبعدين أرجع أحط مره ثانيه ..

يطلع الكيرلي مرتب وحلو وما يبين انك حاطه شي (طبعاً إلا اذا كثرتي مره)
وأحلى بـ كثير من الجل والموس اللي يطلع الشعر قاسي ومو مرتب ..

يعني بـ اختصار انا استخدم بديل الزيت (مموج منسق)
مثل استخدام الجل أو الموس ..

ننتظر إفادتكم يا حلوات ..
واذا فيه منتج بتتكلمون عنه ولا شي يا ليت تذكرون اسمه بالانجلش ومن وين نلقاه ..
حتى لا تكثر الأسئله ..

وبليز يا ليت يخلو الموضوع من عروض الخلطات الشخصيه اللي تنباع بين الحريم .. نبي شي يكون بـ متناول الجميع ويكون ان شاء الله آمن

وحياكم الله :)

172 تعليق 111,024 مشاهدة

0 0

شاركي في النقاش

سجلي الدخول لإضافة تعليق.

التعليقات

168

  1. @mrhf_alahsas

    هلا حبيبتي مشكورة على الموضوع وياليت البنات يتفاعلون معنا..
    أنا الشعرة ناعمة وخفيفة تتموج على طول بس مايطلع شكله حلو..طويل ويكش بسرعه ومن تحت مرررررة قلللييييييل علشان كذا قصيته لنصف الظهر وإن شاء الله راح أهتم فيه من جديد...
    وبالنسبة للطلعات ماأحب أتركه كيرلي استشوره وأرفعه..والمناسبات تسريحة ناعمة في الصالون أحب البيرم العريض..
    وماجربت طريقتك في بديل الزيت (فهمت إنك ماتغسليه بالمويه) أنا استخدمه مثل البلسم وأحسه عادي..

  2. أنا أمووووووووت بالشعر الكيرلي بس ما يضبط وياي شعرتي ناعمة مموجة طبعا بس ما يضبط معي لاني بصراحة ما احب السشوار وهذاني احوس بالخلطات عشان يطول لعله يضبط الحين لحد اكتف تقريبا مشكورة اختي موضوعك عجبني مرة

  3. @alraghb_fy_alkhyr

    يعجبني مرة بس شعري قليل وناعم وما يضبط معاي
    إلا إذا لفيتة بقصدير يطلع شبيه الكيرلي أتمنى شعري كيرلي
    أنا دائما محتارة في شعري ما أعرف أزينه

  4. @brnsys_alrahl

    اسفة بدخل عرض

    لو سمحتوا بنات كيف اخلي شعري مثل شعر اللي بالصورة؟

    تكفون مين عندها الطريقه ويكون بهالشكل بالضبط

    انا شعري مو ناعم ولا خشن بس جاف ومتقصف ودائما استخدم الاستشوار ما استغني عنه وما اطلع اي مكان الا بعد ما استشوره ونفسي اغير شوي واخلي شعري كيرلي وابي طريقة الشعر اللي بالصورة كيف ممكن اخلي شعري كذا؟

  5. @nada_mnh

    انا شعري كيرلي واستخدم سيروم الفيف لمنع تجعد الشعر واستخدم مجموعة غارنيه فروكتيس للشعر الجاف وقبل ما استحمى اسوي ماسك بيضه لبن زبادي سدر زيت زيتون قليل خل يطلع كيرلي مرتب ويلمع وما ينكش

تابعي تجارب أخرى من هذا القسم.