®©®]©®

خوالي
نوم العوافي ننتظر الرعب والاكشن 💪

جواهر
والله اختي للحين تشتكي من ظهرها بس انا بعد اشتكي من ظهري وانا مااخذتها واخر ولاده رفضت الدكتوره تعطيني مع انه خاص بس قالت انتي مو بكريه ماراح تطولين بالولاده والحمدلله رحت للمستشفى الساعه 11 الصباح ولدت 5 العصر ماطولت وان شاء الله ولادتي هالمره نفس ولادتي الاخيره .

وامس رحت للمول وشفت التيشرت حق الحوامل اللي فيه صوره بيبي يجنن نفس اللي يبيعونه التاجرات واتذكر وحده سالت وين احصلهم وشفتهم بمحل الاشهر التسعه او التسع اشهر😑نسيت الاسم بالضبط بس نفس ماكتبت وموجود بالعثيم المحل بالرياض بس هالمحل له فروع كثيره وملابسهم كيوت وبناطيلهم وعندهم ملابس النفاس اعجبوني بس اكثر شي اعجبنتي التيشيرتات وسعرهم 120 ويالله يالبكريات اهجمو ع المحل ودلعو كروشكم وانا زوجي قال انتبهي تلبسينه لان بنتي الصغيره تحب الاطفال الصغار وخاف انها تلصق عند بطني تبي النونو 😅.

انا جربت الولاده المبكره بولدي الاول ولدته بالرابع وبالبيت بروحي انا ولدت نفسي كنت بالغربه وزوجي مو موجود وادق عليه ولايرد يما الالام كانت فظيعه بغيت اموت لما اتذكر الالم اقول شلون الولاده والطفل كامل الله المستعان الله يسهلها علينا

صباح الخير
ماشاء الله عليكم الملف طاير مالحقت اقراء
لكن وش عندكم ع الولاده تكفون لاتذكروني فيها 😩
احاول اتناساها بس يوم رحت المستشفى آخذ مغذي وعورتني الابره تذكرت الولاده جتني الصيحه
الي تكلمو عن ابرة الظهر اعرف كثير اخذوها خواتي وسلفاتي وماشاء الله كلهم مافيهم الا العافيه وانا ناويه عليها لكن بعد الاستخاره

بنات الرياض الي تعرف شيء عن مستشفى فكتوريا الي بطريق خريص تكتب عنه ودي اولد فيه
يفتح النفس بس متردده ما اعرف احد جربه وحتى بالنت بحثت مالقيت احد تكلم

ياعمري في البيت و لوحدك الله يكتب الاجر

بنات شكلوا بدا الوحام غثيان 😢😢😢😢😢
وكمان عندي سخونه والم رجولي حق الابرة
وظهري وبطني مغص الله المستعان