شاركي في النقاش

سجلي الدخول لإضافة تعليق.

التعليقات

13
  1. @alkadyamp

    اذكر زمان وحدة تزوجت ورزقها الله ببنت
    وبعدين اتطلقت
    وقعدت عند اهلها وكانت ترفض الزواج حتى تربي بنتها
    جاتها واحدة وخاصمتهم وقالت لا تقعدين عشان بنت وتزوجي عسى ان الله يرزقك بولد
    ينفعك اذا كبرت
    المهم تزوجت واخذ طليقها بنته
    ورزقت بخمسة اولاد
    والان هم شباب رجال لكن ما توفقوا في دراسة ولا عمل أسأل الله ان يعينهم
    واصبحوا عبء على ابوهم
    وبنتها الكبيرة تزوجت ودخلت مجال التجارة وساعدها زوجها وفتح الله عليها واكرمت امها
    وكل ما شفتها او سمعت عنها تذكرت كلام تلك المرأة اللي تقول لها لا تقعدين عشان بنت
  2. ياعمري على البنات عندي اولاد الله يحفظهم ونفسنا في بنوته تملى بيتنا انوثه وحنيه الله يحقق كل وحده ماتتمنا ويجعلهم صالحبن مباركين بارين بنا


    اللهم اجمعني بوالدي واخواني في جنات الفردوس
  3. @lyaly_30

    عادي تفكيرهم مو شي غريب ليش تزعلين وتنقهرين هم مقهورين من خلفه البنات ذلفتهم
    والابتلاء احيانا يكون بالبنت او بالولد والذريه كلها رزق

    مدري ليش تتحسسون في مواضيع رفض البنات لان شي منتشر ومو غريب بمجتمعنا وانا ابوي تزوج على امي عشان خلفتها بنات و كل من جا يخطبنا يحذرونه الناس من ان ذريتنا بنات و رغم ذا كله مررره اشفق عليهم و مااهتم لتفكيرهم
    كلن بعقله و هباله الله يشفيهم ولا يبلانا
    ولد عمي بدايه الثلاثين مو كبير ومن ثاني بنت زعل و غاث حرمته يبي يجرب على قولته المره الثالثه يمكن تضبط ؟؟
    عقليات يارب لاتبلانا و الله اتجاهلهم لان مايستحقون حتى نتناقش بعقلاياتهم السقيمه

    شوفي انا الاحظ امهات بنات غيورات من امهات الاولاد و يهاجمونهم و طول الوقت البنت تدخلك الجنه و البنت مدري وش
    لا ياحبيبتي البنت الي ماتربينها والي تهملينها والي تلبسينها المشخلع وتنمين فيها حب البروز بتكبر وبتصير وبال عليك
    البنت الي تدخلك الجنه العفيفه الي كلها حياء وهدوء و حشمه الي تحفظينها قران وادعيه مو اغاني وشيلات وطيور الجنه

    امي جابت 9 بنات و دايم تدعي يارب تجعلهم سبيل للجنه وتخاف مره لو وحده منا تشغل انشوده بها اهات والله ترتعب
    لانها فاهمه حجم المسؤوليه

    تربيه البنت اصعب لانها عاطفيه ومتعبه وتخافين عليها عشان كذا للي يربي بنتين ميزه خصه بها الرسول

    والمفترض لما ربي يرزقنا بذريه سواء بنت او ولد ندعي ربي ان مايكون فتنه وصد عن دينا
    وان يكون عون للاسلام والمسلمين
    وان نكون اهل للمسؤوليه ونربيهم بما يرضي الله ورسوله بدل التسخط والتذمر
    والنعمه تحفظ بالشكر وتزول بالكفر
    الي مو عاجبه خلفه البنات ويتسخط على رزق ربي هذا عقابه عند ربي ماله داعي نقف عليه و نحمل الموضوع اكثر مما يستحق

تابعي تجارب أخرى من هذا القسم.