المضيفة المصرية 3 * اتفضلي اشربي عصير و خديلك ساندويتش كمان!!
متابعة النقاش، صفحة 304
شاركي في النقاش
سجلي الدخول لإضافة تعليق.
التعليقات
2,038Noody30 ازيك يا ميرو؟ ما انا باخاف ارشها على الهدوم بتعمل بقع فيها، ده غير ان اصلا خبراء العطور بيقولوا انها تتحط على مناطق النبض و دي اكيد على البشرة مباشرة، بس مش دي المشكلة برضه لاني ممكن مستخدمش برفان، المشكلة اني مش عارفة ايه التغيير البيولوج…
شكرا على الرد
بس شكلي كدة دخلت عليكم في وقت مش ولا بد- لا حول و لا قوة الا بالله
و الله يا جماعة انا كنت كاتبة الكلمتين اللي كتبتهم اهدي بيهم الاجواء، و ما كان طلبي اننا نقفل النقاش الا للحفاظ على صحبتنا و عدم تفرقنا لأي سبب. يعني يا هبهوبة مش حنفرح اذا انتي مشيتي او رواء مشيت او انا مشيت، عشان كده كنت باقول نقفل الكلام لحد كده، لكن طبعا اللي عاوزة تتكلم و تقول رأيها تتفضل، انا بس كنت باحاول اخلينا سوا
ازيك يا لؤلؤتي، معلش انتي دخلتي في وقت صعب حبتين و بصراحة اللي حصل ده زعلني و الله و بارد عليكي و موودي مش تمام. ياللا ابقي طمنيني عليكي يا جميلة
نورة الدوحة، معلش بتحصل في أحسن القعدات، و عموما اذا فيه اي معلومة زي ما قلتلك محدش حيتأخر عليكي - هبهوبة هو كل ما يحصل اختلاف في الرأي حد يقول أنا مش جاية امضيفة تاني
يا جماعة قلنا 100 مرة اختلاف الرأي لا يفسد للود قضية كل واحد حر فيما هو مؤمن به
وبعدين لما بنتناقش بنتعلم أكثر من بعض ومفروض ان ده ميأثرش على حاجة تانية - الأخت العزيزة نورة الدوحة
اهلا بيكي تنوري
على فكرة انا اسكندرانية وممكن افيدك عن الجو عندنا بس
29 يناير نوة الكرم اتجاه الرياح غربي مدتها 7 ايام أمطار غزيرة
19 فبراير نوة الشمس الصغيرة شمالية غربية 3 أيام أمطار
2 مارس نوة السوم جنوبية غربية 7 أيام أمطار غزيرة
طبعا عمرها ما تتظبط باليوم يعني ممكن تتقدم يومين أو تتأخر يومين عشان كدة كتبتلك اللي قبل فبراير واللي بعده
وعلى العموم اي خدمة من اسكندرية انا موجودة - نوة الدوحه
شهور الشتا فى اسكندريه جميله لكن النوه دى بتخف
( ولو انى مش عارفه يعنى ايه نوه):42:
ما علينا بتخف فى بداية الشتا ونهايته لكن شهر 12 و1 و2 حاجه جميله خااااااااالص زى المطر فى الافلام اللأمريكيه كده بالضبط
ابله دون
بجد انا نفسى انفرد برانيا انا وانتى ونقوم بالواجب موتنيى من الضحك بكلامك:hahaha:
نودى يا قمر
ميرسيه جداااااااااااا على ملعومة الكى بورد عشان بتاعتى راكبها 100 عفريت
بوسه كبييييييييره:26:
لولوعكاشه
ميرسيه على ردك يا جميل
ولو انى مبقوقه من جوزى ونفسى افرسه زى ما هو فارسنى باى شكل
بجد انا لقيت الحكايه دى عند ناس كتير مش انا بس وملهاش حل
وهى انه بيرجع من الشغل لا ارى لا اسمع لا اتكلم
اكل نوم تى فى اكل نوم
واشوفك على خير بكره ان شاء الله ولا يتكلم معايا ربع كلمه بجد هطق وهتفرس واموت مشعارفه ايه اللى حصل لازق وشه فى التى فى زى ما يكون امه والا ابوه بيعمل برنامج وممكن تكون حاجه هايفه بس اهو سد خانه وخلا ص وانا لو عملت اى حاجه وانشغلت عنه يزعل اوى ويتقمص ومش معبرانى ومش ومش ومنخلصش لازم ابقى اعده جنبه زى ابو الهول كده فى زمانه اثبات حاله لا كلام ولا سلام حتى لو اتكلمت انا افضل ارغى زىالراديواللى اتفتح وفى الاخر ملقيش حد بيرد عليا اقوم اتكتم من الكسوف بجد انا مضايقه اوى ياترى هو ايه اللى حصل؟ مكنش كده خالص قبل ماينزل الشغل حتى يوم الاجازه مفيش فرق يذكر ومش مراعى اننا اعتبر فى غربه لا اهل ولا صحاب مفيش غير جاراتى بس وانتو لحد ما حاسه ان لسانى ضاع وبدورعليه
فيه حد زىىىىىىىىىىىى يا ناااااااااااااس ياهوووووووووووو
وبلييييييز ابله دون تردى عليا وتهتمى بمشكلتى ولوانى عارفه ان حضرتك لسه فى بداية حياتك يدوب وخبراتك محدوده لكن اهو نحط همومنا على بعض ونفيد ونستفيد
اه وبالمناسبه كل سنه وسلمى بنتك طيبه وبالف صحه وسلام
ياترى هيا كملت سنتين باين؟؟؟؟؟
مواضيع مشابهة
تابعي تجارب أخرى من هذا القسم.