هل بعد الكرهه يقدر الواحد يحب نفس الشخص!!

الله يادنيا سبحان ذكرتيني بموقف لوحده صديقه لاختي
هي البنت انحرمة من امها من وهي صغيره
شوفي ياقيود يمي انا بقولتس قصتها عشان الي تكلمون بعرض الناس شوفي ربك
يمهل ولايهمل
هذا الله يسلمك انحرمة من امها من صغر يعني من اولدتها ماتدري امها ميته عايشه
ماتدري البنت ابوها طلقها واخذ حرمه وربة هالبنت عند زوجة ابوا
وكبرت وصارت حرمه واعرسة
وقامت الناس تقول لها امك عايشه سبحان الله اقطعوا اي خبر عن امها بس عشان ماتوصل البنت لامها
وامها معرسه بديره ثانيه وقومي يازوجة ابوها اتفقي مع وحده تصير جارت البنت
يعني بنفس العماره ساكنه هي تعرف الحرمه في معرفه سابقه بينهم
وتدري انه البنت اسكنة جنبها
وطبعا اسمعة من ناس الام تبي تشوف بنتها وتعرفن على بعض
ويافرحت قلوبهن بعض
راحت قالت لجارتها دقي على رجلها وقولي له البنت ماهي مضبوطه
ولاتعلمين منهي انتي هذا الكلام من زمان ايام البيجر اول ماطاحت
كان به تلفون بس بيت البنت
وروحي يالجاره دقي على الرجال بليل وحطة باذن هالسالفه
طبعا الرجال سكره بوجها ولا قال لزوجته
وقام الشيطان يلعب براسه تعرفين
وروح وحط جهاز والله مدري وشلون المهم انه يشبك ويوصل له
منهو يدق على بيته وسبحان الله بغلط وصلة الجهاز راحت لجاره
اثريه شبك بخط جارة البنت
ولقى كل المكالمات بينها وبين زوجة الاب وجارة البنت وخطط وجرايم وبها وبها
وجلس الرجال لهن جلسه وقعد اخر شي حصل مكالمات لها مع ناس ما يصلح اذكرها
وراح جاب شريط التسجيل لحرمته وقال شوفي وش يصير لتس وانتي ماتدرين
ولااا عاد اشوف هالجاره تدخل بيتي
وربي انه راحت البنت قالت له عطني الشريط اكسره
والله يسامحهن والحمدالله انه الله كشفهن لي
قال لها لا روحي سمعيه زوجة ابوك وجارتك
والله الحين طلاقك راح يكون بسبهن
راحت علمة زوجة ابوها وزوجة ابوها علمة جارتها
وارحلت من المكان اللي به الجاره
واقطعت العلاقه بها
لكن لحد الان زوجة ابوها عينها مكسوره منها
وتعاملها معالمه طيب والبنت ما احقدت عليا تقول الغيره عمت عينها
ولها فضل عليا ربتني من وانا صغيره والله يسامحها
لكن المعامله صارت بحدود
والبنت رجعت لامها ومات ابوها وصارت امها وزوجة ابوها حبيبات
لكن شفتي
اللي حطت بعرضها
لقت حسابها من الله وتندمة على اللي بغت تسويه بها
والله يسامحهن كلهن
قلت ابي اقولك هالقصه انه الوحده ماتستهنين بالعمله الشينه حرام
تلقى حسابها بدنيا وباخره يمي
يمي اللي يحطون بعرض الناس لهم يوم من الله
وانتي خويتك الله يعينها ويسامحها على هالعمله
الله يستر عليها وعلينا يمي

آآآآآآآآه بس جيتي ع الجرح ياليت اقدر انسى وافتح صفحة جديده المشكله لاكان الشخص قريب منك وسامحتيه اكثر من مره
صعب ترجعي تحبيه صعب جدااا لو خطأ في حقي مره بسامح لكن احنا بشر ومجبولين على حب الفطره
امي ابوي اطفالي اخواني احبهم حتى لوصار بينا شي احبهم لان حبهم مو بيدي بس شخص انتي اخترتيه زوج او صديقه
وتكرر الخطأ والخيانه صدقيني صعب ترجعي حتى لو ضحكتي ع نفسك وحاولتي تبقى بالقلب غصه تحول بين انك ترتاحي نفسيا
مع هالشخص وطبعا على كثر معزة هالشخص تكون الغصه اكبر واكبر مابي اقول كره لكن يصير شخص عادي واقل من عادي

قيوود توي اقرأ سبب كرهك لا
لاابدا لاتفكري ترجعي لها لامن قريب ولامن بعيد من جدك تتكلمي بعد حاطه موضوع عنها هذي اشطبيها من حياتك تخيلي الشيطان لعب في راس زوجك وش بيكون مصيرك
الصديقه هي اللي تستر ع صديقتها مو تفضحها لو اختي تسوي كذا اشطبها من حياتي مو صديقه منتي عارفه حجم اللي سوته
ويمكن الايام نستك لكن اللي سوته طعن بشرفك لايلدغ المؤمن من جحر مرتين

الله يسعدك ياوردة . ريحني كلامك.. وبالنسبه رقم زوجي . صعب على قوولته العالم كلها يعرفووونه..حاولت بس رفض...

سبب الخصام بينكم قوي ولا تفكري ترجعي لها هذي مالها امان ابدا ابدا وكل شخص تقدري تمشي معاه اياآ كانت اخلاقه الا الشخص اللي ماله امان منتي ملزومه بالرجوع لها او زيارتها لا هي قريبه ولا رحم الحمدلله يعني مافي داعي تدخليها حياتك مرة ثانيه الا اذا كنتي هبله وماتتعلمين من المواقف (لايلدغ مؤمن من جحر مرتين )