زوجي يخونني مع نفسي

حرام عليكم الحرمه مو ناقصه بالراحه عليها

المهم واضح ان الغلط من زوجك صارحيه انك شاكه فيه وانه على علاقه ووقوليله انا احبك ايه بس سالفه انك تخونني ما قدر امشيها وتاكد لو بجد سويتها ماراح اجلس دقيقه ف البيت

حاولي تخوفيه لان باين ان زوجك يحبك

وكمان سوي كل واجباتك والي عليك على اكمل وجه واثقلي عليه حبتين مو انك تطنشيه وماتردي عليه لا لا اقصد انتي لا تتكلمي خليه هو الي يبدا


واشغلي نفسك ب اي شي ❤️



الله يسخرلك زوجك ويبعد عنكم بنات الحرام 🌹

لاتقدير للذات لا انشغال
ولصقه بمعنى الكلمه هذي انا
ومو بس تسولت الحب
حتى كرامتي شكلي ضيعتها
في كل مره ازعل اجري وراه راضيني راضيني
ولا يراضيني زين 
وكل مره اذا جلست ابكي اقول لاتنام وانا زعلانه
وينام مايجيني
واحيان انتظره واذا ماجا اروح له.
ومن ناحية الهدايا اقوله اهديني جيب لي هديه 
سوي مفاجأه  وماتجي الا بطلوع الروح
وما استمتع فيها من كثر ماترجيتها
لا اراديا يابنات
عشت هالحاله
الان اعرف انو غلط
وابغى امحييييي هالانسانه الضعيفه
لكن ما استمر
وهو طفش مني والله طفش
يعني لو يدري ان هذي انا رغم انه رجع يلمح
شاك اني انا اللي جيته بالببي
بيقول يالنشبه حتى هنا لاحقتني ههههههههه
الله يعين 

تسلمون ع الردود يا اخواتي 
ومازلت ساحاول التغيير
وتسجيلي في المنتدى مو فقط عشان 
هالموضوع باذن الله
راح اكون مشاركه ومتفاعله
وافيد واستفيد 

الي تقول حب وغرام قبل الزواج غلطانه
من انجح الزواجات الزوج التقليدي فيه حب وعشق واحترام وموده
لاحديفتي من راسه ويحلل العلاقات قبل الزواج وينشر افكار هدامه..

ياعمري انتي شايفة كل الكلام اللي كتبتيه بالبداية من شهر العسل وتفضيل اهله وانه اذا جاته فلوس آخر من يتذكر انتي هذي كلها صارت لي ...تصدقين كنت أكتئب وأحسه مايحبني وان أهله بالمرتبة الأولى وكنت حزينه على وضعي كثير الين تعلمت شيء مهم ...وابيكي تعرفيه لا تقارني معاملته لك بمعاملته لأهله أبدا عارفة ليش لان بعض الرجال تربى على ان اهله في المرتبة الاولى ويظن ان الزوجة تبي دايم تخرب العلاقة بينهم والله انا زوجي كان يفكر كذا ...بس انا تعلمت اني احب نفسي ولا أفكر في مشاعره المهم يحترمني واذا ابي شي أطلبه ولا علي منه يبي يعطي اخته بكيفه المهم طلبي ينفذه...ونفس الشي دايم يقولي احبك واعشقك بس أحس ان اهله يحتلون مرتبة اعلى ....لكن كل يوم يمر اشعر ان مشاعره ناحيتي تكبر لأني محسسته اني أحبه واني متأكدة من حبه...لاتزني على راسه انتا ماتحبني لأنك ممكن تدخلي في راسه شي من الاساس ماهو فيه بس انتي بسلبيتك خليتيه ينفر منك ...حبي عمرك واضحكي وانبسطي ولا تفكري بمشاعره خليكي واثقة من نفسك ولا تنتقدي نفسك عنده ابدا ركزي على حسناتك واطلبي اللي تبين ...
أما بالنسبة لمراسلتك له فما من وراها غير الاذى لك اقطعيها ولا تخلي الشيطان يلعب براسك لا تخسري راحتك النفسية بسبب شكك فيه حتى لو كان يغازل مو كذا تحلي الموضوع فيه طرق ثانيه ...انتي ببساطة قاعدة تدمري عمرك عشان حاسه ان زوجك مايحبك ..هل يعقل هذا ؟ هل هذا أهم شيء عندك؟ الله يصلحك ويهديك..