اختصار الطبخ لتحقيق النظام

المكرونة باشاميل
ممكن يوم اذا كان غداك مكرونة بشاميل تضاعفين الكمية
جزء تطبخينه نفس اليوم وجزئين تسوينهم لييين اخر لحظة وهي التحمير ما تحمرين
بس تحطين البشاميل وكل شي وتغلفين الطبق وتدخلينه الفريزر

ويوم الطبخ تطلعينه بدري يذوب وتحمرينه بالفرن ولا اروع

ممكن يوم تاخذين عدة دجاجات مبردة وتقصينها وتنظفينها وتحطين عليها تتبيلة شي بالخضار وشي بدون يعني ممكن كل دجاجتين تتبيلة مختلفة وتغلفين كل دجاجة على حدة وبالفريزر
يوم مالك خلق تطبخين تطلعينها من افريزر عالفرن ويبقى عليك الرز والسلطة
واذا بعد مالك خلق يمدحون الخبز مع الدجاج وجرجير مغسول هههههههههههه


كذلك البصل قصي كمية وافرديها بكيس ولما يتجمد حطيه بعلبة كذا تضمنين انه ما يتكتل
وكل طبخه خذي شوي واحمسي بدون تقطيع

الثوم افرمي كم راس بالخلاط مع زيت زيتون وحطيه بعلبة زجاج وبالثلاجة واي طبخه تحتاج ثوم بملعقة نظيفة خذي الكمية اللي تحتاجينها

موضوع رائع جدا 

الله يسعدكم ويجزاكم كل خير على مشاركتكم وابداعتكم

الحمد لله قمت بتطبيق هذا النظام من بداية هذا الاسبوع

مووضوع جداً رائع انا امي الله يحفظها تفرزه كميه كبيره كشنه ولا تحط بهارات الا وقت الطبخ والخضار تقطعه وتفرزنه وانا بالحلويات تطحن السكر وتحطه بلعبه للحلويات وكمان الفستق ينطحن وسكوت الشاي خاصه برمضان اختصار للوقت ما نلحق علا شي اذا تذكرت شي لي رجعه

انا طريقتي هي اني اكشن اللحمه او الدجاج طبعا يوم كذا ويوم كذا الحمدلله نعمه ربي كثيره طبعا اكثر المويه وتطلع لي مرقه اكبس رز على نص المرقه والنص الثاني اسوي مرق قرع او بطاطس او احيانا مكرونه او شوربه او اخذ المرق واحتفظ فيه بالثلاجه لبكرا واكبس رز واسوي سلطه وهذي طريقه مختصره وفيها كذا طبق