اللي سبق وتوظفت وظيفة سعوده بالاسم وينزلها راتب وهي بالبيت / قديم

حسبي الله عليهم بعيدا عن صاحبه الموضوع لان فيها الخير ويارب تتوب
اللي يقهر بعض البنات الا غصب غصب حلال عمى غش وتدليس وتقول حلال
يعني بالعقل شي مانعته الدوله وشارطه سعوديين
ويؤخذ اسمك كسعوديه من غير ما تعملين وتاخذين ربع الراتب
وتضيعين الفرصه ع غيرك محتاجين راتب كامل
وسمحتي باجبني يحل هالوظيفه الشاغره اللي غيرك من ابناء بلدك يدورها
لكن الاصل انتي وياها
ان هالمكان زي ما شرطت الانظمه يلزم سعوديه او سعودي محتاجين يشتغلون ويأخذون راتب كامل
و انتو تتلاعبون وتتحايلون بالنظام وهذا يعتبر مال حرام لانه بغير وجه حق

ههههههههههه واللي تقول محد يقبل راتب ثلاث الاف انا اقبل شعندك
واشوفها كثيره بعد لان حالنا ميسور جدا والحمد لله ع كل حال

ولا اوصيك اقري كل الفتاوي حرام وتعالي عند فتوى وحده حلال عشان تريحين ضميرك وتنامين مرتاحه حياتي
لكن ربي كفيل بحسابكم

زوجك حرامي وجالس يخدعك في مال هو اصلا حرام . ما شاءالله حرامي يسرق حرامي!
ولو جيتي للصراحة انتو سبب عطالة الشباب السعوديين. ليش الشركة توظف سعوديين وهي لاقية ناس تقط عليهم الفتات ويرضون فيه.

الله لا يوفق كل من يتحايل ع الانظمة والقوانين وعسى البلد تنظف من هالاشكال يارب

حبيبتي ماعليك من اللي تقولك مايجوز
انتي ماخذتها برضى الشركة وهي اللي تصرف لك الراتب من مالها مقابل اسمك اللي هي مستفيدة منه في وزارة العمل
وين الحرام بالموضوع والا تعودتوا تضيقون عالناس باسم الدين
اشياء بالعقل والمنطق تفهم

بخصوص زوجك اتوقع والله العالم انه ماخذها له
مو معقول الشركة كل مرة تغلط برواتبكم
عشان كذا الشهر الجاي لاتعطينه ولا ريال وشوفي وش يسوي

الله يغنينا بحلاله عن حرامه
والله لو هو ريال وحرام مابيه في ذمتي