زوجي بيتزوج ومحتارة في برودي؟؟؟؟؟

الله يدبر لك احسن التدابير

اش الرجال الي زوجته معتبرته شي ثانوي وكاتب البيت باسمها؟ ولا بعد يشاورها بيتزوج ويقول بالسر.
مدري احساسي انه فيه جزء خيالي بالقصه. او

احسك ماتحبينه وماتفرق معك والحلول كلها عندك. غريبه جايه تستشيرين هنا كأنك تعرفين احد بالمنتدى وتبينه يقرا.

ع العموم نأسف لازعاجك و الله يكتبلك مافيه الخير.

اقول ياللي تقول الزوجه الثانيه شر انتم حكمتم انها شر وهو ماخذها للحين اعوذ بالله من هالردود تراها حرمه مثلها مثلتس
والرجال ماتغيره حرمه مهما كان وانا اللي فهمته من كلام صاحبة الموضوع انه رجال يخاف الله ومو مقصر بشي وانتي يختي اذا هو ناوي بسلامته وتصرفتس عين العقل الحياه ليست رجل ابموت اذا تزوج
الحمدلله اتنفس واكل واشرب واعبد ربي ومالي الا عملي وديني هو اللي بينفعني
بس اشرطي عليه قولي لاتجيب طاريها عندي لا بشينه ولابزينه مرررررره عن تجربه اقولها
وهو حاط عينه ع اللي فوق عشان يكون قريب منكم وهذا افضل شي مايكون بعيد عن عياله ولابيته
وياليت من كل وحده ترد لاتقول الزوجه الثانيه شر وهي بتدمر واهي واهي ولاتحطن بذمتكم ياما بنات مساكين يخافن الله بكل شي ومايبون الا الستر

سبحان الله الا ماتطلع وحده تكذب الموضوع ماحد جبرك تردين ادلي برأيك والا بسلامتك
انا زوجي اذا جريت وراه ودلعته سحب علي بس انا اطنشه هو يجري وراي هذا طبعه عشان كذا بردت على نفسي امااا الاحساس لحاله اهنيك عليه كيف مااحبه انا اخذته وانا مو بس احبه واعشقه والعشرة 12 سنة كفيلة تزرع حب حتى لو ماحبيته...
وابشرك مااعرف احد في هالمنتدى ولا احد يعرفني....

ياجماعه الخير انتو فاهمين الحلال والحرام غلللللللللللط غلط وبقوة الزوج يحق له يتزوج علي زوجته ولكن الشرع حلل له الزواج من اخري اذا كان عنده نقص بالاولي مو عشان يجدد او ينوع او بس كذا يبي يجرب وحده جديده اذا انتي مافيك نقص واموركم ماشي تماما ماله أي حق يتزوج هذا أولا
وثانيا طالما انتي نوعا ما مقتنعه علي الأقل اجلسي معاااااااااه وتناقشو اول شي يعطيك رضوة عاد انتي حددي وش تبين وثاني شي تشرطين عليه مالي شغل فيها ولا لها شغل فيني ولا اشوفها ولا تشوفني وتعدل بينا يعني ذاا هو ناوي علي الزواج وصامل وامره منتهي علي الأقل تضمنين حياتك معاااااه انه يكون عادل بينكم ولا يقصر عليك وعلي عيالك ولا ينحاز لوحده علي حساب الثانيه ومهما كان هو طيب او الي بيتزوجها طيبه اهم شي لا تقبلين نهائيا انك بيوم تسمعين كلامه ويقول لك انتو خوات وتعرفو علي بعض واجلسو علي بعض اذا صار هالشي اعرفي حياتك بتنقلب فووووووووووق تحت