بخبركم سالفتي وأريد منكم الحل بس الكل يشارك

اعملي مع أم زوجك اللي كانت تعمله لك قبل يوم كان معها شغالة

الله يكون في عونك
استغرب كيف الوحده ترضى تسكن في بيت اهل الزوج !!

شغالة ام زوجك كانت تشتغل لج . فخلاص خليها هم شغالتج تشتغل لهم..اعتقد فترة و تعدي لما ترجع او ييبون شغالة ثانيه ..و لما تروحي لبيت اهلج عادي عندج خواتج و اهلج يعيينوج ثانيا اكيد انت بأجازة لما تروحي لهم فقادرة تمسكي عيالج..في المستقبل اكييد ييها يوم و تروح شغالتج و عمتج بترفض شغالتها تشتغل لج مثل ما سوةيتي فيها ...لا تكبريها و هي صغيره

اذا ام زوجك كانت طيبه معك وشغالتها تخدمك قبل تجي شغالتك فعادي خليها تشتغل عندها التعب عالشغاله موعليك صح بتتعبين مع العيال بس هونيها بخاطرك والشي الثاني اذا هي من النوع الي شغل نسوان ما تعطيك الشغاله ولا تساعدك في العيال وانتي بعد مو مجبوره تعطينها شغالتك الي فوق يقولون تكسبين رضها اممممم اشوف اذا ولدها الي هو زوجك مايدفع فلوسها وما يعطيك مصروفك هم بعد ماله دخل بشغالتك ما احب الاستغلال واضعاف الجانب الاخر باسم رضاء اهل الزوج مولازم ترضي رضاها وسخطها على ولدها بنت الناس وشغالتها لها ولعيالها صووووووح

وش فيها يعني خليها تنظف البيت كله وتطبخ للكل بهالفتره!!!!
وهم مو ناويين يجيبون شغاله لهم خلص اتفقي معها انها مؤقتا بس راح يكون شغلها كذا لين تجئ الثانيه
ويوم تروحين بيت اهلك وديها معك للعيال ماعليك متهم