بالله لو مكاني بتسون زيي

مساء الخير زوجي مسجل بنات بالتامينات الاجتماعيه المهم اليوم وحده كلمته تلفون وبعدها ارسلت له واتس وهو جاوب هيه صارت تكثر اساله هنا انا ماتحملت قمت قلت لها احظرها خلاص انتهى انت فهمتها وقلت لها تواصلي مع نفس الشخص  وكلمته بهدوء علما  اني فهمته قام قلي لاماحظرها انت ايش لك دخل انتي ملقوفه تتدخلي بشغلي قلت له انت لو مكاني وقلت لي احظري فلان ححظره من ماكان يكون المهم سمعني كلام كبير وقدام عيالي ويقول تتقح ،،،،، والله بكيت ونزل ضغطي هل انا غلطانه ام هو علما مازعلت يوم شرحلها وفهمها بس هيه قامت تزود اساله مره

14 تعليق 2,315 مشاهدة

شاركي في النقاش

سجلي الدخول لإضافة تعليق.

التعليقات

13
  1. @kyk_ohlao_2

    الله يعينك ويهدي زوجك اول شي لاتدخلين في نوايا الناس يمكن جد هي تبي تسئل و مو فاهمه شي ثاني شي كان اكتفيتي انك تبلغين زوجك ان الموضوع مضايقك وبس بدون ماتطلبين منه يحظرها تعرفين رجالنا ماشاءالله مايحبون اسلوب الامر هو غلطان مليون بالميه بس الشكوا لله حاولي تنسين الموضوع
  2. @golden_eye_1

    عادي وحدة تسأل ، انا موظفة و كتير احيان ما افهم و ارجع اتصل و استفسر ، ليش سوء الظن و ليش يحظرها ، انتي اللي غلطانة ، هو يكلمها كلام عادي ، مو يغازلها ،،
  3. @bayaa_almsk

    لحظه هدوء
    الصراحه اسمك عكس ردك
    انتي تسببين لحظة خراب وشك ونميمه
    ايش هالتشكيك بنوايا المسلمين
    ايش لو يحبك حظرها هذي شغلته وهذي وظيفته يجاوب علئ اسألة الناس

    انتي غلطانه ياراعية الموضوع
    المفروض تفوضين امرك لله وتتوكلين عليه ولا تتدخلين بشغله
    هي ماقالت له حبيبي وياعمري وقامت تتغزل فيه وهو يرد عليها بالغزل
    هي تسال بس
    احسني الظن وراح تمشي حياتك
    انتي كذا حشرتي خشمك باشياء ازعجت زوجك
    الحين زوجك ماراح يعلمك باي شي يصير معه
    لانك بينتي له غيرتك وفهمك للناس علئ حسب غيرتك
    زوجك يقدر يرد بالاسلوب الصح اذا لزم الامر

    انتي مو واثقه بزوجك
    حاسه انه راعي بنات ؟
    اذا لا مو راعي خلاص ثقي بالله اولاً وأخيراً ثم بزوجك
    وحاولي تقوين قلبك وتطنشين وتدعي الله اولاً لنفسك
    بقوة التحمل والصبر
    وثانياً زوجك بان الله يصرف عقله وقلبه وعيونه وكل حواسه عن النسوه غيرك بس

تابعي تجارب أخرى من هذا القسم.