كثرة الشكوى تبعد الحسد عنك! او تخلي الناس تحكي فيك انتي وزوجك/الشكايات والجميع تفضلوا

اشتكي على سجادتك وناجي ربك واطلبي الله تبغينة من ربك فقط. في سجودك في صلاة الليل.
وامام الناس لا تشتكين ولا تذمين ولا تمدحين خليك مستورة مااحد يعرف ايش وراك سواءً كنتي مرتاحة او لا.
هذا اللي تعلمته من الحياه ان الشكوى للناس ماتنفعك بالعكس تخليك على كل لسان وهرجة للقاصي والداني والناس يسلكون لك وهم ماهم نافعينك لان النافع والضار هو الله.

ما احب الشكوى 
اشكي مره وفضفضي لكن كل مره احس تمللين اللي عندك 
و بالعكس الحين الماس تقول اللي تشكي اكيد جالسه على كنز وخايفه عليه
بعكس الساكت ربي ساتر عليه

انا ما احب التشكوي واني اطلع اسرار بيتي 
وبالاخص اللي بيني وبين زوجي حتى لامي وخواتي هذا طبعي 
وبالنسبه للشكايات في منهن ع الفاضي والمليان وفي منهن ماتجيك الا ماهي قادره تتحمل وتبي تشكي والا راح تنفجر وانا بصراحه صدري رحب لهن واسمعهن واحاول اني اساعدهن ومستحيل اني اسولف برا عنهن 
وبالنسبه للي يتشكون خوف من العين بصراحه ما شفت 

والله الشكوى لابد منها بس عاد مو دايم مااشتكي الا وانا واصله حدي

عادي اذا اشتكيتي لوحده تثقي فيها من باب الفضفضه والاستشاره
اما لكل من هب ودب فلا
واللي تتشكي علشان العين اقول لها حرام الكذب وثانيا (وأما بنعمة ربك فحدث)