كثرة الشكوى تبعد الحسد عنك! او تخلي الناس تحكي فيك انتي وزوجك/الشكايات والجميع تفضلوا

حبيبتي كثر الشكوى الصراحه قله قيمة بين الناس
صحيح تفضفضين و ترتاحين بس من غير فايده
بيشمتون فيج وبتصيرين علك في حلوجهم حتى لو وضعهم
اخس عنج بس ساترين ع نفسهم و بالعين موس المهم مظهرهم
جدام الناس

تعرفين قصه الراعي الكذاب حاشاك من الكذب بيجي يوم
عندك مشكله كبيييييره محد بيهتم لشكواج بيقولون
فلان متعوده دااايماً تشكي يومين و تسكت
افرشي سجادتج و ادعي
ربج يهدي ريلج و يصلحه و يسخره له و لعيالج

شكوى عن شكوى تختلف

فيه ناس يبون الحل ويستشرون

وفيه ناس تبي تهرج بس ! هذي متعبة جدًا

وبعدين اشتكي لأهلك، خواتك .

استغفر لله لاحول ولا قوة الا بالله اكره الحرمه الشكايه من تقعد وهي راسي يوجعني ظهري يعورني ويبي لي حجامه ما اقدر اقعد راسي ظهري وهي مشقره حواجبها وصابغه شعرها ومكياج وتوها جايه من شقه مفروشه مع رجلها بس مافي مرض الا اشتكت منه تبعد العين عنها ثنتين كل أسبوع غاثيني بشكاويهم الله لايبلانا ولله وجيهم مورده من الصحه بس كذا بعض الحريم الله لايبلانا شكايات مايستمتعون بالنعم والعافيه

 نصيحه مني عن تجربه لاتشتكين لاي احد خاااااااصه مشاكلج مع زوجج حتى لصديقاتج للاسف بعضهم تكتشفين انهم يستغلون ثقتج فيهم وشكواج لهم تصير الصديقه تنقل مشاكلج مع زوجج للناس تصيرين مفضوحه الكل يراقبج حتى لوتصالحتي مع زوجج الناس ادور اعيوب خلق لله ماتنسى مشاكلج منهم من يتشمت ومنهم من يتعاطف معاج و اذا تهاوشتي مع صديقتج اتعايرج على اقل شي لانها عارفه اسرارج
 عن نفسي تحسفت اني شكيت عن زوجي السابق لصديقتي اكتشفت انها تنقل اخباري حق بنات ثانيه وصار الكل يسألني عن مشاكلي مع زوجي كأني صرت تحت الانضار مراقبه واذا صارت هوشه بيني وبينها تذلني لاني شكيت لها في ذا الوقت حتى الصديقات مافيهم خير الا مارحم ريي 

اعرف وحده دايم تشتكي حنا ماعندنا وماعندنا ومانقدر نشتري
وكل شي غالي
وهي وزوجها موظفين وظايف زينه

وبعدين سكنت في قصر
ما أحب هالنوعيه من الناس
اللي تشتكي وهي تكذب