شاركي في النقاش

سجلي الدخول لإضافة تعليق.

التعليقات

41
  1. @ashrak_anth

    رائع كلامك

    فعلاً مشكله عويصه عندنا الاطاله في التتنيح😕

    الله يعطيك العافيه على هالدفعات القوية في مواضيعك🌹
  2. @ashay_akhdr_bskra

    صاحبة الموضوع
    ليمونهـ ^-^
    أنا ذكية مثلك بالتأكيد سأستوعبها بإذن الله  انتظرگ شآي 
    ابداً ابداً ماعندي شك انك ذكية ..
    انتِ مو بس ذكية ، انتِ قوية الملاحظة وهالشي بيختصرلك كثير بحياتك ..ماشاء الله عليك ..

    -ليه استخدم كلمة ( بَطلي) يعني (توقفي) بكلامي؟
    لأن احنا بزمن اختلف مفهوم النصيحة ، صاروا يقولون انصحوا بأسلوب لين سلس مافيه فرض رأي صح ؟ لكن فيه نقطه مهمه وخاصةً عند البنات وهي ( كَثرة مُشاورة النفس) هالمشاورة تضيع العمر والفُرص .. انا بكل امر اكون متاكده انه بيفيد البنات ماابيهم يشاورون انفسهم ، افرض عليهم او على عقلهم الباطن فَرض ( تَرك كل امر سلبي والاِلتفات لحب الذات) .. هالأمر او الفرض وُضع ضِمن كلام كثير وامثلة ممكن تقنعكم ان لسه قدامكم فرص ، ان عمركم الغالي لابد يمضي بما تحبون ..
    انا وحده خلف الشاشات وكلامي للأغلببيه منكم ، مابزعلكم لان ماوجهته لناس معينين ، بالعكس اللي تحس الكلام عنها .. اذا كانت تحب الفايده لها بتنفذه بدون احد يدري ..

    بضرب لك مثال بسيط بمشاورة النفس اللي ماله داعي ..
    وحدة تعاني من السمنة ، وانسانة جميلة وذكيه لكن كسوله او خل نقول فيها سلبية.. لما تقعد بوقت فراغها تفكر ( ليه مااسوي رياضة) تشاور نفسها صح ؟ مرات هالمشاورة تطلعنا بشي سلبي! مثل ان البنت شاورت نفسها وقررت ماتسوي رياضة لانها مرهقه ، سمنتها صعبة ويبيلها نادي ، ماتعرف للتمارين ، ماعندها امل ابدا وتبدي من وين ولا من وين !

    والأمثلة كثيييرة بحياتنا اليومية بعد..

    -ليه اكثر من كلمة ( بَطلة) ؟
    لأن البشر من عدة طبقات ، طبقه مرتاحه مادياً، وسط، وطبقة مستوره وعلى القد ..
    شايفة هالطبقات ؟
    كلهم قد يعانون من التهميش من محيطهم ، او فهموا مفاهيم غلط عن اهمية الحرية وحب النفس ..
    البنت قد تكون مرتاحه مادياً لكن للأسف تعودت انها مُهمشة او مُسيرة غير مخيرة ..
    تعودت تشوف نفسها بزاوية الصورة ..
    كلمة بطلة .. تصحي فِكر كل شخص ، لأن كل شخص هو بطل .. له قصته بهالحياة..

    وايضاً مفردات مثل ( بَطلة ) تخلي الوحدة ماتستخسر تُبذل جهدها حتى يكون وضعها افضل ..
    كلمة بطلة .. كلمة واقعية، شفناها بالتاريخ ووقتنا الحاضر .. وتسموا بعض الاشخاص بها ..
    البطولة مش سيوف وخيل وبس .. ! بهالزمن البطولة بأننا نطلع من هالدنيا واحنا راضيين عن انفسنا ، حابين ذاتنا ومقدرينها ، ان نكون واثقين من انفسنا وقاهرين الظلم او الاشخاص السلبيين ..

    انا سويت امور بحياتي واعتبر نفسي بطلة ، غزوات مع افكاري وظروفي لكن بالنهاية نجحت .. يمكن غيري يشوفه امر عادي .. لكن الاهم كيف انا شايفة نفسي؟

    ويطول الشرح بهاالامور..
    اتمنى فهمتيني ياقلبي ..

تابعي تجارب أخرى من هذا القسم.