ابغى افضفض

الله ييسر أمرك يارب ويرزقك ربي

الله يرزقك الزوج الصالح عاجلا غير اجلا
ياعمري احمدي ربك علي الصحة والعافية
وردي عليهم قولي الله يديم الصحة والعافية اهم شي وبرردي قلبك لاتشيلين هم ولايأثر الموضوع علي نفسيتك
قولي الكتوب بيصير لي ولكم مانقدر نسوي شي ماقسمه الله لنا حنا ندعي ربنا ليستجيب لنا ونستغفر ليغفر ذنوبنا عشان ماتصير حاجز برد الدعاء

شوفي حبيبتي بقول لك شي لازم تحطينه ببالك
الناس بيتكلمون في كلللللل الاحوال شوفي هذا وموضوعك فضفضة لنا اول سؤال توجه لك ماجاك خطاب؟؟
يعني انتي جاية تشكين من حساسيتك من هالموضوع والناس برضو بتتكلم


اللي تزوجت صغيرة يقولون صغيرة ليه وافقتي
واللي تتخرج وتتروج يقولون ما تهنيتي بعد التخرج
واللي تبقى بعد التخرج يقولون تأخرتي

اللي متزوجة يغثون ام ام امها ما حملتي ما حملتي متى تحملين واذا حملت يقولون لها مستعجلة واذا ولدت يقعدون يحنون عالبيبي الصاني وهكذا

والله حتى العجوز الاحظ في مجتمع الحريم العجوز العجوز اللي يأسوا منها من حملها وكذا يسالونها متى تزوجين ولدك ما انخطبت بنتك واذا عيالها متزوجين ماحملت بنتك ماحملت مرت ولدك وهكذا


الحل ياقلبي انتي فيك وفي نفسك تكونين واثقة من نفسك اي احد يسالك ليه ماتزوجتي قولي الله ما اراد
او متى تتزوجين الله كريم
او ما ودك تعرسين الله ما كتب لسه

يعني ردود محترمة وتسكتهم باذن الله
لان صعبة تقولين مالكم دخل وهذي حساتي ومن عاب ابتلا صعبة تقولين كذا للناس
انتي ردي رد بسيط وغيري الموضوع بسرعه
ولااااااا تتحسسين ولااااا تتضايقين اببببد حطي ببالك ما راح ازعل ولا اتضايق من هالموضوع

ويوميا يوميا بالليل ادعي الله يزوجك الزوج الصالح الكريم الطيب المتفهم الحنون
ويوم الجمعة كثفي الدعاء
وارقي نفسك زي ماقالو البنات
واشغلي نفسك بوظيفة او هواية تلهيك

وربي يكتب لك الخير ويوفقك

طنشي حبيبتي .. واذا احد سألك قولي بس نصيب


 ﻻ تكثرين معهم بالكلام يسكتون