موقف زوجك من تأخر حملك؟؟

وقعتي على الجرح اختي بنت القصيم 3
لي 3سنوات علاج دائم يلمح بس باقناع يعني يجلس يمهد لي ويقول حرام تحرمي ولدنا من الاخوان لانهم بيكونوا عزوه له في المستقبل
لكن هو وقت الجد يسوي نفسه عادي ويحاول يهديني ويوقف جنبي الله لايحرمني منه ويخليه لي وحدي قولوا آمين
لكن كلامه كله احس فيه انه ياخذني بالتدريج حتى اوافقه على كلامه والله خايفه يجي يوم واقوله اللي تبغاه سوه



"ربي هب لي من لدنك ذرية طيبه انك سميع الدعاء"

بصراحة انا زوجي الله يسامحه مطفرني مع انه دايما يقول انا ادري انه ها الشي مو بيدج لكنه عكس كل الرياييل ما يخفي الي بداخله ابد يعني مثلا اذا شفنا طفل اقول في نفسي متى يصير عندي مثله بس ما اقوله بس هو على طول يقول آآآآخ متى يصير عندي مثله واذا وحدة حملت على طول نط وقالي وانا عكسه تماما حتى اختي حملت ووصلت الشهر السابع وما خبرته لين ما اهله شافوها وعرفوا انها حامل وخبروه .. واذا يتني الدورة يسويلي مناحة ويتم كم يوم مبوز هذا كله وهو مؤمن ان هالشي موبيدي لو ما كان مؤمن مادري شو كان بيسوي .. يعني باختصار تصرفاته تقول ان انا ما عندي احساس وما ياثر فيني شي وانا على العكس تماما حساسة وقلبي يعورني على عمري بس ما اظهر ..

على فكرة انا متزوجة من ثلاث سنوات والعيب مني ومنه

الله يرزقني عاجلا غير آجل

(حنتوشه .. الله يخليلك حنتوش وتجيبون محنتش صغير ..
الله يزيده إيمانا وأحتسابا ويرزقكم بالذريه الصالحه..)

تسلميلي على أحلى دعاء سمعته بحياتي ويا رب تناليـــــــــــن اللي ببالك عاجلاً غير اجل

زوجي مايتكلم في هالموضوع لانه يتعب نفسيا بس الحزن واضح بعيونة ومخرب علي حياتي (حياتنا فاترة مالها طعم)
صاير لايتكلم ولا يقعد بالبيت كل ماقلت له اقعد جابلني اتكلم قول شئ ... يقول لاشئ جديد في حياتي شنو اقول اليوم مثل امس مثل بكرة .......وصاير حساس مررررررة
عايشة في همين هم العيال اللي قاعدة استناهم من سنين وهم زوجي اللي موعارفة كيف اتعامل معاة

:(