{ تباشير 7 } قطعة سكر جعلت حياتي احلا ... { مواليد : مارس - ابريل }

هلا حواء شخبارك مع الثقل

انشغلت بعيالي والتطبيق يطفشني كل ما دخلت طلعني ليتهم يرجعون القديم احسن واسهل

نور كذا مره تجي ببالي هي وام سويسه اذا ماخناتي الذاكره اطفالهم كانو في الحضانه ومارجعو طمنونا 

حواء الله يسهلك اضفت حساب بالاستقرام عن النرويج مررره جميله اتذكرتك😍❤️

السلام عليكم ..

رجعت لكم بالاكشن .. احم احم

طبعا استخرت من الليل بخصوص الولادة والطلق الصناعي ..

ورحت شربت خروع واكلت رطب من الليل وسويتلي اعشاب
طبعا تعرفون الخروع ينظف البطن والليل قضيته بالحمام وسبحان الله ارتاح بعده

ونمت على انه بقوم س 7 صباح اكون بالمستشفى
نمت س 1 وقمت على صلاة الفجر
جهزت علبة فيها رطب وقارورة ماي زمزم قريت عليه ايات واوراد الولادة
وتوكلت ع الله .. ومشيت
دخلوني بغرفة الولادة .. وبدأت الفحوصات الروتينية وحطوا جهاز التخطيط
طبعا مافي طلق ولا حاجة .. كرهته جهازهم الغبي بعدين اقولكم ليه
وجت دكتورة قالت نفحص من تحت .. وانا كذا😢
مااعرف كيف الفحص وكنت متخوفه منه وتدخل اصابعها وانا اششششد ع نفسي واحس بألم وكرهت الفحص مرة
قالت مسكر وراحت
ورجعولي س 10 قالوا نعطيك حقنة شرجيه قلت مولازم بطني فاضية (مايدرون عن الخروع وش سوى خخخ)
قالت لازم هذا بروتوكولات الولادة قلت طيب وحطتها لي وودتني للحمام
ومانزل معي شي ماغير سائل الحقنة وقلت مافي شي قالت تمام
وجت دكتورة قالت يلا نفحصك من تحت وانا ميتة خوف ماابيها وفحصت اوجعتني مرة يدها ثقيلة وبعدها حطتلي تحميلة الطلق الصناعي وقالت خليك ثابتة سااتين لاتقومين عشان تستفيدين من جل التحميلة ..
ومن بعدها يابنات بدأت الالام واطالع على جهاز التخطيط الغبي يحطلي الطلق 5 او 4 ومرات ينزل للصفر او 1 وانا اتألم بشدة وكل شوي اطالع يرتفع للعشرين ثم ينزل قلت مومعقولة هالالم ويطلع لي 1 او 4 فقررت اطنشه ههه

وبدأ الالم يزيد وماعاد اتحمله واناديهم واقولهم الم مااقدر ابي مسكن
قالت ابرة ظهر والا مسكن عضل
كنت بقول ابرة ظهر وانا يابنات مستخيرة بشأنها وشوفوا تدبير الله لي في امرها
المهم بخاطري اقولهم ابرة ظهر لانها قالت ترى مسكن العضل بس راح يدوخك وينومك ما راح يخفي الالم
وهنا ترددت وزوجي مرة رافض ابرة الظهر قلت يلا مسكن وفي بالي لو مانفعتني اطلب ابرة ظهر
وعطتني المسكن وانا اتلوى من الالم وقالت الحين في دوخة بعدين نوم وفعلا بعدها مباشرة دخت ونمت
بس كل شوي اصحى واولول من الالم وارد اخمد ثم اقوم ثاني اولول وشوي جت الدكتورة ام يد ثقيلة وانا ماابيها ودي اهرب منها😢
وتفحص من تحت واصيح من الالم ثم فتحت مرة ودخلت عود طويل وبعدها صبت المويات عرفت انها فتحت الكيس وراحت تركتني والم لا يطاق
حاولت ارجع انام .. بس الالم يصحيني واشوف الدنيا تدور
وجت دكتورتي حبيبتي فديتها وقالت بفحصك من تحت سبحان الله حطت يدها وطلعتها ولا حسيت بشي قالت اربع سانتي وانا اقول في نفسي ياليل مااطولك 😢
وبعدها بدأ الالم يزيد سبحان الله زاد بشكل مفاجئ وهم يقولون 4 سانتي قلت ماراح اقدر اتحمل 4 سانتي والم بهالشكل وقررت اطلب ابرة ظهر وققلت لدكتورتي قالت طيب بنسوي استدعاء لطبيب التخدير وقالت الحين مناسب تاخذينها لان توك 4 سانتي
وراحت اختفت ماعاد جت وانا بنجن من الالم يزيد ويتقارب وشي لايحتمل واناااااديهم واصيح خلاص ماعاد اتحمل وين ابرة الظهر وتجي الممرضة تقول لازم يدفع وانا اقعد اسبها واسب الفلوس خخخ قلت جيبي الابرة الحين وخذي كل فلوس الكون وهي تطالع فيني تقول مدام اهدي انت الحين بس 4 سانتي ليه كذا ومتعجبة مني
حسيتها عديمة احساس وكرررهتها 😢

وراحت فترة بسيطة وانا احسها سنة وصرت ادعي واطلب ربي بصووت عااالي وأون وأتألم خلاص ماعاد فيني حيل ألم يهد الجبال
وجت وحسيتها نزلت من السما وقلت هاا وين ابرة
قالت اول لازم يفحص تحت قلت خلاص من شوي فحصتوا قلتوا اربع سانتي
يلا مولازم هاتي ابرة قالت مدام انا يتصل طبيب تخدير والحين هو يجي بس لازم قبل ابرة يسةي فحص عشان طبيب تخدير
قلت يلا اخلصي علي افحصي
وتحط اصابعها
وتشهق ذيك الشهقة الي روعتني
وصارت تركض يمين يسار وتقول مدام ولادة ولادة خلاص ماينفع ابرة ظهر
وتتصل وتكلم الدكتورة وتنادي الممرضات ويتجمعون بغرفتي
ويجهزون اغراضهم وانا خلاص احس نفسي مو قادرة اتحمل وادددددفع من تفسي واخذ نفس واددددفع وهم يقولون لحظة مدام ماخلص تجهيز اغراض
على بالكم سمعت لهم اخذ نفس واددددفع والدكتورة تلبس قفازها تقول يوه يوه لحظة اصبري وعطيتها تطنيش وتلبس قفازها وبسرعة تجيب المقص وتقص فيني وجتتي طلقة واخذت نفس واددددفع وتنقز البنت بوجها بشكل مفاجئ وبغت تطيح منها ويلا تلاحقوها
والطاقم كذا😨😦😯😰

اسرع ولادة هههههه.
واتصلت كنسلت ابرة الظهر ورجعت لناالفلوس الحمدلله ولدت من غيرها
بعدها سبحان الله ارتحت راحة مافي مثلها وبدت تخيط فيني وانا خلاص بين النوم واليقظة وخلصت وراحوا وشفت بنوتي وتنفست الصعداء
وتوتة توتة خلصت الحتوتة

ام همام
الف الف الف الف مبروووووووووزك والحمد لله على سلامتك 🎉🎉🎉🎉🎉🎉🎉🎉



ساروشتي
الله ييسر لك يارب ويهونها عليك اخذي "مره "واول ما تصحين حطيها تحت لسانك ومصيها تذوب البلغم وماتكحين مره مممتازه الله يجزاها خير من دلتني عليها وحده من بنات التجمع بس للاسف نسيت اسمها

يس ونو
قلطتي كانت ملابس عزوز اللي شريته مقاس من 0_3 اشهر وهوو نتفه كان المفروض اخذ لبس نيوبورن بس
العطار اخذت اعشاب معروفه ونسيت انها خطر على الكبد ووقفتها والاه يستر من اخرتها بس تدفيت عدل وما اشرب غازات والله يجملنا بعيون ازواجنا