زوجي قالي لاتأففين قدامي

الطفش حالتنا كلنا وهذا شي طبيعي لان زوجك متوظف ومشغول بعمله وانتي لو تتوظفين مابتلقين وقت تحكين راسك حتى

حبيبتي في الف حل اول شي ماعليك منه وقول يله انك تشربين حبوب منع الحمل وطنشي لا تشربينها عشان تحملين وقول له حملت بالغلط وثانيا اشغلي نفسك بهوايه تحبينها مثلا ااذ تعرفين كروشيه او خياطه او تعلمي الفوتوشوب تراه يجنن او حتي اذا جمبكم نادي او مشغل خذي عندهم دورة وبعدين لا جلس يشتغل عااادي خذي قهوتك وروحي اجلسي معاه بالمكتب يقدر يسولف وهو علي المكتب مافيها شي

ليش تسمعي كلامه وتبلعي الحبوب ،،،،،انتي الي خسرانه تخسري صحتك ياقلبي ،،،،

جيبي لك بزر يشغل وقتك ويونسك

يا حبيبتي اذا تقبلين نصيحتي وتطبقينها انتي وكل وحدة تشتكي
من الطفش ، لاتربطين وناستك فيه اوكي صح بمدينة ماتعرفين فيها احد
لكن مو معناه محد يقدر يونسك الا زوجك
وناستك تقدرين تلقينها بامور ثانية منها التحفيظ منها الدراسة والتفكير
بمشروع مفيد لك

لاتغلطين غلطة كثير من البنات وتتخيلين انك ما راح تستانسين الا مع زوجك
ليش الوحدة كذا ماتحس تقدر تستانس الا مع زوجها؟ لانها ماحاولت تدور وناستها
بالطرق الثانية

لو كان ماعندك خطط ولا امور تخصك ولا اهداف بحياتك وتعتبرين وناستك مربوطة بالوقت
الي تجلسينه مع زوجك تدرين وش يصير ؟ بتصير شخصيتك جامدة مو مرة جذابة
ومزاجك مو مرة مروق ودايم طفشانة يعني زي الي صاير الحين والي انتي تنقلينه
بموضوعك هذا ، وهالشخصية ماتنجذب لها الناس واولهم زوجك

لكن

لو صار لك جوك الخاص وخططك وامورك الي تبين تتفرغين لها على النت
او بحياتك الاجتماعية بتحسين الحياة لها طعم ثاني ، نادر ماتحسين بالطفش
مزاجك ونفسيتك بتكون مرتاحة وهالراحة بتبان علا ملامح وجهك ولغة جسمك
والناس واولهم زوجك بيلاحظون هالشي ويتحمسون يقربون لك ويحبون جلستك

زوجك ان شالله تعيشين معه عمر واجمل عمر فلما تفكرين وتخططين زين
لحياتك لا تجلسين تراقبينه وشلون لاحظ ما لاحظ ... لا سويها عشان نفسك
وعطيه وقته علا ما يلاحظ ..

بخصوص الحمل حاولي تقنعينه تفكينها وتحاولون تمنعون الحمل بطرق
ثانية عشان مايخرب نظام مناعتك ويتعسر حملك بعدين ...