تجارب الامهات في تسنيع بناتهم

انا عندي بنتين والولد الله يحفظهم الاساسيات عندي ترتيب فراشهم وغسيل المواعين اذا لزم ورفع الاطباق واحيانا يكوون والحين بديت اعلمهم الحلا والكيك شريت كل وحده فيهم دفتر تكتب فيه الطبخات
هما وحده برابع ووحده بسادس والولد يكنس أحيانا ويرفع الالعاب من الارض ويساعدني باخوه الصغير والبنات يروشون اخوانهم الصغار ويغيرون الحفاظات احيان والرضعات أحياناولما يغيرون ملابسهم يرمونها بسلة الغسيل ياويلهم لو اشوف قطعة ملابس على الأرض وشوي شوي لما يتعلمون يتجهزون للمدارس بروحهم يلبسون ويصففون شعرهم بنفسهم  وانا اراقب من بعيد لبعيد والله يحفظهم ويخليهم لي يارب

السلام عليكم ورحمة الله وبركاته
شوفي عزيزتي انا بيتي كلهم بنيات بسم الله عليهم وما عندي أولاد أعمارهم من ثالث ثانوي الى سنتين
أول شي مهم جدا انك تعودينهم وتحطين في بالهم أنا بيت مانحتاج الى شغالة وخليهم يقطعون الأمل وييأسون من شي أسمه شغالة لأن الشغالة تعود البنات على العجز والكسل
المهم ممكن تسوين جدول للكبار انا عندي ثلاث كبار وعندي ثلاث مهمات صعبة وهي المطبخ وتنظيف تحت وتنظيف فوق مثلا السبت الكبيرة المطبخ الوسطى تحت الصغيرة فوق
من بكرا يكون الوسطى المطبخ والصغيرة تحت والكبيرة فوق
وبعده الصغيرة المطبخ الكبيرة تحت الوسطى فوق المهم وهكذا
طبعا فيه أحد شغله زين وفيه أحد عجاز مايحب يشتغل أنتي كاف~يهم وشجعيم
كنت وهم صغار حاطة لوحة في المطبخ كاتبه فيها أعمل أكثر تجمع أكثر
وفيها الأسماء وقدام الأسماء مربعات فارغة فيها نجوم أو أي شي كل مرة نطلع للبقالة أحسب النجوم وأعطيها على حسب نجومها
الجمعة أحيانا ماأطبخ أقول لهم أنا كل الأسبوع أطبخ الجمعة أجازتي بعد صلاة الظهر أرتاح شوي وأنتم سوو الغدا
ويخلصون ويحطون كل شي على السفرة ويقوموني أحياناً






الغرف لا تنظفين غرف الكبار أبدا واللي غرفته حوسه أخصمي من مصروفه
عندنا لوحة أعلانات مهمه عند الغرف ويكون فيها نقاط
كل أحد أعطي بناتي مصروفهم الأسبوعي في ظرف وهذا الظرف يعلق فارغ طيلة الأسبوع في اللوحة وكل ظرف عليه الاسم طبعا كل حوسه أو فوضى أو ضرب نضع على الضرف -3 أو -5 على حسب وهذي حسميات من المصروف




الصغار يحبون الأكشن في التنظيف أحط م}قت ونبدا ننظف
مؤقت
أحيانا أشوف وش ألأشياء اللي تحتاج تنظيف وأحطها في أوراق وكل وحدة تسحب ومن ضمن الأوراق في وحدة ملكة اللي يطلع ملكة ماتشتغل
يعني التجديد حلو بس المهم البنات الكبار أحرصي عليهم لأنهم القدوة وطلبات المطاعم بعد تخلي البنت ماتحب تطبخ عوديهم إذا عجبهم الشي يحاولون يسوون مثله مايطلبون من مطعم




وقبل كل شي الدعاء

ام لؤلؤة ما شاء الله ردك رائع

بدون زعل , أحس ما في ذاك السنع الي قبل الحيين إلا قلييل , لازم التعويد لو اقل شي النظافة الشخصية و غسيل الملابس و تنظيف الغرفة و الفرش تبع كل وحدة

اييه , اتمنى ردود اكثثر موضوع مثل هذا يستحق الوقوف.. .

جزاكم الله خير موضوع جميل
انا عندي بنات وعندي خدامه مع كدا با اخليهم يشتغلوا مثلا يرتبوا دواليبهم بنفسهم
يرتبوا غرفة المعيشه ادخلهم المطبخ في الاجازات والنظافة الشخصية زي ما قالوا الاخوات

دايما اقولهم ما احد يدوم لا احد لا شغالة ولا ام ولا اب ولا مال وامي علمتني مدام ربنا اعطاكي سمع وبصر وعقل لا تخلي احد يتكلم عليكي
لازم تعتمدي ع الله ثم على نفسك
ومافي غير الصبر والدعاء

امي الله يحفظها علمتني السنع لما كنت بالثانوي كنت ما أهتم ولا أرتب ولا أشتغل بالمطبخ وأكره الطبخ وكانت تخليني معها مثلا تقولي حمسي البصل وهي تسوي شغله ثانيه
كانت تقولي سوي الرز وتشرف عليه يااااااااااااااماااااااااااا كثرت الزيت وياما حست الملح وكانت تعلمني وأنا بالي ضييييييييييييييق بالمطبخ والترتيب شلتي شي رجعيييه بمكانه بلا من الحوسه دايم اسمعها من امي
كانت تناقشني بأمور المطبخ والطبخ حتى إستهويت الموضوع والآن انا عمري 27 سنه وطبااااااااااااااخه أتحدى الكل في العايلة مافي مثلي والله الشاهد مو غرور ولكن فخر بتربية الوالده ودايم الغريب قبل القريب لما يذوق اكلي يقولون ( يا سعد من ياخذك ويتهنى بطبخك )