صديقتي ف مشكلة وتبي منكم الحل تعالوا ساعدوها

هلا بنات
بقولكم قصة صديقتي وابي الحل منكم لاني احترت معها ولاعرفت وش اقولها
صديقتي من النوع اللي تثق بزوجها تقول زوجي له جوالين واحد م قفله واهو الاساسي والثاني مقفل ودائما معه
المهم من اسبوع ولدها ابو 4 سنين جاب جوال ابوه المقفل للصالة واهو كان نايم ف الغرفة تقول رحت لولدي ركض عشان اخذ الجوال وارجعه مكانه لان زوجه من النوع العصبي مرااا ولا ينتفاهم تقول المهم اخذت الجوال وكان مفتوح ع الواتس وتتطيح عيني ع كلمة وينك من رقم غريب ماسجل استغربت وتقول واخذ الرقم واسجله عندي بعد يومين خل جواله فوق الكمادينه وراح الحمام وانتم بكرامه وكان مفتوح وتقول واروح ادخل الواتس بسرعه عشان اشوف محادثه هالرقم واستغرب ان هالرقم انمسح وبقيه المحادثات باقي مثل ماهي الا هالرقم انمسح وتحمست وتروح تدور منهو صاحب الرقم وتفأجأت ان صاحب الرقم جارتها اللي ساكنه تحت وهالجارة متوفي زوجها ولها عيال صغار
تقول انا عندي خبر انها تدق ع زوجي عشان الدينمو يشغله لها ويسكره لان عيالها صغار
وتقول اني اقول لزوجي ابتعرف عليها عشان تسيّر علي واسيّر عليها قال لا تتعرفين عليها هذولاي سمعتهم استغفر الله واصدقه ولاعاد دورتها
المهم تقول رسلت لها ف الواتس عشان اتعرف عليها قلت انتي ام فلان قالت يمكن اي ويمكن لا وان متأكده من الرقم قلت مو هذا رقمها قالت لا غلطانه
تقول انا جن جنوني ماادري وش اسوي وزوجها من النوع العصبي
بنات تكفون ساعدوها وش تسوي 😔

11 تعليق 1,665 مشاهدة

شاركي في النقاش

سجلي الدخول لإضافة تعليق.

التعليقات

11
  1. @smty_hky_2

    صراحه شي صعب جاره وتخون
    انا اشوف الحل الوحيد ترسلها رساله من رقم ثاني
    تهددها وتقولها ان علاقتك مع جارك انكشفت وانو بيوصل الكلام لاهل زوجها واهلها
    يمكن تخاف وتبعد عنه
    الله يكون بعونها ولايحطنا ب المواقف هذي
  2. @halahail

    كنتي تدرين انها تدق على زوجك وعادي ما استغربت ولا استنكرت ولا رفضتي والان رساله واتس اب خلتك تتحركين المفروض من البدايه التفاهم يكون بين الحريم والدينمو وش يبيله سهل مايحتاج اكلم رجال غريب عشانه المحترمه تكلم اخوها احد محارمها مو جارها ومتزوج 
    الان لا تسكتين عالموضوع لازم تعرفين حدود العلاقه بينهم باي طريقه 
    كلميها من شريحه جديده وسولفي معها على انك متاكده انها الجاره وشوفي وش قصتها
  3. @am_aabdalaazyz_83

    لابد عند كل امر التحقق من صحة الخبر
    والأمر الثاني التبين من الأمر نفسه

    قد لايرى اختلاف بينهم لكن للتوضيح لو قال لك احد ان فلان فاطر في نهار رمضان وكان الأمر صحيح لكن التبين من الأمر نفسه ربما كان مسافرا او مريضا أو أو .. ليتضح المعنى لك فقط

    في موضوعك ياغاليه لم تحققي اي شئ حتى الرقم متأكده انه رقم جارتك لكن ليس يقينا وإنما هناك شكك
    افرضي ان الجاره ارسلت الرساله بالغلط وقام زوجك بحذفه


    اذا كان بالفعل ارسلتها لأمر بينهم وتأكدتي من الخبر نفسه
    فتبيني من الأمر هل هناك صله بينهم وتواصل غير شرعي فيختلف الأمر



    فرج الله همك واعانك المولى
  4. اجل يشغل الدينمو هههههه الله يخلف عليها ، شكل صديقتك على نياتها والله يستر لا يكون متزوجها بالسر . خلي صديقتك تفتح عينها .

تابعي تجارب أخرى من هذا القسم.