شاركي في النقاش

سجلي الدخول لإضافة تعليق.

التعليقات

54
  1. @mngo



    في البدايه ماراح أدعي عليها الدعاء ع المسلم مو شي هين يا أختي
    قولي حسبنا الله ونعم الوكيل و كفى

    ألي بقوله لك هالسيناريو ألي ذكرتيه بشكل عام بغض النظر عن التفاصيل
    منتشر عند أغلب الحمايل و هو تفضيل زوجه من زوجات الأولاد ع البقيه
    هذي تقريبا ما يخلو منها بيت بس بقولك هالشي حتى ماتظنين أنه أنتي بس ألي تعانين من هالشي ...

    كون أم زوجك و أبوه يحبون هالأنسانه و يوضحون لكم غلاها هي وعيالها و يتجاهلونكم هالشي
    مو بيدك تغيرينه مهما سويتي لذلك أتركيك من هالجانب

    ركزي على لب المشكله و هو زوجك شغلك خليه على زوجك وبس لأنه هو الأهم بهالموضوع
    من يجيك يمدح و يردح عندك بزوجة أخوه خلي لك شخصيه و خشي بعينه
    و خليه يشوف ردت فعلك قولي فلان ممكن تبطل حكي الحريم هذا
    و تنشغل بنفسك أفضل لك ولي ...... بعدها قولي فلان هي كلمه وحده بس
    ترضى أجلس أمدح بواحد من أزواج أخواتي عندك و أقلل من قدرك و أوضح لك أنك ولا شي
    عنده ؟!!!! ترضى لو أمي و أبوي يحقرونك و لا يشوفونك نمله و يعظمون و يقدسون واحد
    من أزواج خواتي و يشوفونه أسد ؟!!!!
    ترضاااااااها على نفسك رغم أنك و النعم فيك و لا تقصر و نعم الرجل سألتك بالله كيف بتكون
    ردة فعلك وبسسسسس
    لا تنتظرين منه الأجابه أنتي جاوبي
    قولي و الله أن تحررررقنا و ثيابك ألي عليك أن تشققها و تنسف الأول و التالي !!
    و تبيعني ببلاش و لا تفتح عينك بي وبهم ،،،،

    أناااا مثلك بالضبططططط بيكون وضعي لو أستمريت على هالأسلوب معي
    لأنه كلنا بشر و كلنا عندنا أحاسيس و مشاعر و كلنا عندنا كرامه ما نرضى تنهان .......

    أمك و أبوك بسلاااااامتهم ما هموني و لا علي منهم لكن أنت لا لازم تحاسب على سلوكك
    و كلامك أذا أنا سكتت و فوت مايعني أني راضيه لكن كنت أظن هالخرابيط فتره و بتعدي

    و أنا وااااثقه من نفسي و لا حرك شعره من راسي تصرفات هالبشر
    و لعلمك مافيه بيت حموله ماتصير فيه مثل هالمكايد بين الحريم
    هم كذا يهب الهوااااء لوحده و تقدس و البقيه لو يولعون أصابعهم شمع ما ينشافون و يحقرون ...
    قولي أنا فاهمه اللعبه ذي حقت الحريم و لا همتني بس من يجي زوجي يررررردح عندي
    بسوالف نسوان ماراح تعجبني هالتصرفات ...
    يعني يا أختي فشليه بالكلااااااام أحرجيه خليه يصحى و يفوق و يبطل حركات حريم
    ولا تنسين بعد أخوه قولي لو بوجهك دم ماتسمح لأخوك يحقر زوجتك قدامك و يطلع زوجته
    للسماء و أنت تتفرج مع أنه لو بتكلم و بقول عن فعايل زوجته ما بيكفنيني لو بتكلم سنه ماراح أخلص
    لازم توقفينه عند حده مو بهواش لا حبيبتي بأسلوب هادي و راكد
    لأنه الصوت العالي و الهواش ما بيعالجو المشكله
    تصرفي بحكمه و بترتاحين
    و أهله لا عاد تسوين لهم شي و تصرفي على طبيعتك و لا يهمونك
    و مو لازم يحبون عيالك يكفيك أنتي تحبينهم و يكفيك حبايبك و ناسك يحبونهم
    ما وقفت عليهم و على حبهم ......
  2. @almaaa_alaathb

    اختي قضية الاستعراض عند كل الحريم


    أديك مثال في مدرستنا تجيك معلمه فاضيه وعدها سواق وتقوم


    تشيل وتحط بالمدرسه وتنوع بالوسائل


    المديره هاتك يامدح فيها وتحقير لبقية المعلمات


    هل يحق لنا ان ندعي عليها


    طبعا لا


    في حياتنا مع قرايبنا

    نفس الشي حريم يظهرن نفسهن


    مادام انك حاولتي وفشلتي


    يرجع للحظ


    وخذيها قاعده. اذا كانت تحفررر عنك صدقيني

    حيرجع كيدها بنحرها


    اما ان كانت تستعرض فهذه الصفه عند كل الحريم


    وسجلي بالاستقرام


    وانتي تجين رقم واحد بالطبخ
  3. ياعمري هدي اعصابك وسوي زي ماتسوي واحسن اذا رحتي ل ام زوجك ادخلي بالحلا والفطاير
    واذا مدحت سلفتك امدحييها وبيني انك مو مقهورة والمفروض جدا ماتكوني مقهورة

    بعدين في بنات عندهم هواة الطبخ زي بنت خالي تحب تطططططبخ وتحب المواعين وادوات المطبخ شكل حماتك
    من هالنوع واكيد هالنوع بيحب الحريم الكباار انتي حاولي تتقربي من ام زوجك واعزميها كل اسبوع واكسبي رضا الله ثم رضا زوجك وسوي حلا ايدامات ياكثر الطبخات بالنت طبي واختااااري

    اما من ناحية زوجة اخو زوجك احس مالها ذنب بالعكس حسيتها طيبة دام تسوي كل هذا انتي خليكي صديقتها وتعلمي منها وعلميها يعني فيدي واستفيدي

    اما ناحية زوجك اذا مدح زوجة اخوه قولي اي ماشاء الله عليها اخوك مو مقصر عليها كل شي جديد يحق لها تبببدع وكل مع راتب خذي لك صحون 1000 ريال تعبي مطبخك من الى

    وتذكري حبيبتي نهايتنا قبر والدنيا ماتسوى لاتشيلي بقلبك والله استغرب من الحريم الي تزعل انها اهل زوجها يمدحون حريم عيالهم قريت مواضيييع كثيرة زي كذا خليييييييييييييييهم يمدحون ليين يشبعون اكون انا واثقة من نفسي واديت الي علي لوجه الله ... والله اعلم بالنيااات
  4. @bnt_ktr_14

    ذكرتيني بحالتي
    نفسي انا واختي
    عمري 38 وهي 26
    اذا جونا ضيوف تكشخ وتقعد معاهم وانا ينكسر ظهري في المطبخ مع الخدامات
    امي كبيره في السن و فيها زهايمر وانا ربي عالم ماابخل على امي بريال رغم انا لها راتب شوون
    وهي حاطه لنا جلب في البيت وامي تهاوش وتعصب ولاهمها
    امي توها راجعه من علاج وانا فارشه البيت جديد والله الجلبه تمشي وتوصخ في البيت
    البيت فندق تنام وتاكل وتطلع
    الناس يمدحون فيها وانا مااعجبهم
    الحمدلله قايمه بامي بلي اقدر عليه و ربي يرزقني برها في الدارين و يهدي اختي ويقوي ايمانها الضعيف
  5. صاحبة الموضوع
    بنات انتم مافهمتوني هي تستقصد زوجي
    لاسمعت انه نزل عند ابود علطول ارسلت الحلويات والصحون وشوف دايما تكرر هالحركه
    وينادوني زوجي هي وزوجها وتعال شوف ذا الحلى وذا شغل بيت
    حتى زوجها يقول لزوجي شوف الفن كله شغل بيت
    طيب تبدع لزوجها لاهله ايش لها دخل بزوجي
    وانا مو مقصره بشي كل شي اسويه
    ومره كنا بجمعه وجبت معي حلى وشافته وعصبته وقمت الا رجعت مالقيته رمته بزباله عشان مايكون في احد الا هي
    حسبي الله ونعم الوكيل كانها متقعدة لزوجي الله يسلط عليها من يتقعد لها

تابعي تجارب أخرى من هذا القسم.