نريد قصص زواج ناجحة..

صراحه ماالومك من كثر ماتقرين في هالمنتدى مشاكل
احب اقولك وبالنسبه لي ولله الحمد واحمد ربي وماشاءالله ولا قوة الا بالله عايشه وراضيه ومبسوطه ولابد من المشاكل بس مب زي مانقرا بالمنتدى الحمدلله مشاكل ملح الحياه اختلاف بوجهات نظر لااكثر

بس اللي نقراه هنا طق وخيانه وقصص تشيب لها الراس احب اقولك لاتسمعين من طرف واحد مستحيل كل اللي كتبو مظلومات !! يعني بالعقل كلهم معهم حق ؟!! صح فيه رحال سيئين ومدمنين وخاينين بالمقابل فيه حريم لسانهن طويل وشريرات وتنكد ع زوجها بلسانها وماتحترمه

يعني لاتاخذين عالم حوا مقياس
وفي نوعيه تصير لها مشكله بسيطه تنط تكتبها وتكتب الاولي والتالي وتجيب اشياء قديمه وتكبر وتصغر وتحط من الحبه قبه وهذا لانها زعلانه بس اتحداك اذا تراضو هي وزوجها تدخل تقول انحلت المشكله !!! 

فيه رجال رحومين وحنونين وطيبين وفيهم خير ومو كل الرجال مالهم امان او كلهم خونه لاتعممين النظره 
وربي يوفقك ويرزقك زوج صالح 

الحمدلله انا زواجي عن حب
ولنا الحمدلله سنين و للحين نحب بعض ..واليوم نزلت موضوع عن حبي له ههههه
و الحين قاعدة اجهز لزواج ولدي خطبت له زميلته بالعمل يحبها
زي ما انا حبيت و تزوجت اللي احبه
ابغى لعيالي هالشي الله يوفقهم ويسعدهم

ايه بكيزة فرحت بمشاركتج عن حبك لزوجك
وربي يسعدج غروب الذكرى 
ودي أحس انه الزواج رومانسيه ودفئ وحب حتى لو فيه بهارات
ترى بديت اتخوف من الزواج وصدمااته
مدري أحس كنه ما فيه مشاعر حب 
وكنه الرجال ما يحسوا بالحب إلا مع الخيانات

أعتقد أن السعادة نسبيه

مافيه سعادة معدومه ولا سعادة كامله

لكن بعض الناس حساس من جهة بعض المواقف لو يمر بها غيره ممكن يتقبلها

يعني فيه سعادة ولا مانع من المشاكل حتى بين المتحابين ولكنهم يستطيعون تجاوزها


يعني تلقين بعض الرجال سعيد وشاكر لزوجته وهي ما تسوي له شيء كثير لأنه شكور بطبعه

ووحده ثانية مهما سوت له ما يراه شيء لأنه غير شاكر أو ما يعرف يعبر ليس لأنه لا يحبها

الحب قد يكون موجود ولكن الواحد ممكن يفسده بجهله للتعامل معاه أو لنصيحه من شخص أو غباء الشخص

وكذلك بعض الحريم ممكن تلقين زوجها ما يسوي شيء كثير ومع ذلك هي بطبعها شكوره وسعيده فيه وشايفته غالي عندها

ووحده ممهما سوى لها لازم تلقى عيب فيها وتطالع في حياة وحده ثانية ممكن يكون المستور عنها من حياتها أسود لكن المظاهر خداعه
ولا يعني إن الوحده تشتكي من زوجها إنها تكرهه أو أنه يتزوج عليها إنه يكرهها

لكن اللي مبتلاه بزوج يخون أو مدمن أو ما يصلي الله يعينهم ويعوضهم ويعافي المسلمين .

عزيزتي كثير في زواجات ناجحة ولله الحمد
بس الزواج الناجح له أسبابه
مثل الاحترام المتبادل الحب التفاهم أن المشاكل ماتطلع لبرى وشغلات كثيرة وبعد ايش مفهوم الرجل والمرأه للزواج ومدى استعدادهم لتحمل المسؤولية 
وان أهل الطرفين يكونو عادلين مع أزواج بناتهم أو زوجات بناتهم
أتمنى أكون افدتك