حركه زوجي وش رايكم ؟ الاكيد قهرني

انا مدري ليه كبرت السالفه انتي بتروحين بيتك تعرفين اش يعني بيتك انتي ضيفه عند اهلك ليش ماقلتي تعال مشينا البيت انتي وزوجك واحد جعله مايشتاق ولايسأل انتي اكيد راح تأدبينه اذا قاصد لانك اعرف بزوجك لكن سالفه البيت تكلمي قولي بروح البيت واذا مايبغاك في البيت يطلع اي مكان .
مشكلتنا ننتظر يقررون عنا حتى النفس متى نتنفس

شكلك عصبية و انفعالية
عشان كذا زوجك ما خبرك و لا تكلم بوضوح

مثل زوجي اذا حطنا عند اهلي ما عاد وده يجي ياخذنا والله حاسه فيك ياما سواها معي 
اصلاً يقول المفروض تجلسين شهر عند اهلك وشهر عندي!!!!!!
الله يفرجها علينا ويسخره ويحنن قلبه

انا مقدرة ردة فعلك وانفعالك لان تصير على زوجي حركات زي كذا لكن بشكل ثاني مثلا اكون بالبيت قدام وجهه طول الوقت مايسولف وعالصامت مودايما لكن اغلب الاحيان وسبحان الله من اروح لاهلي او لخواتي او اي مكان بقدرة قادر يشتغل المسجل اللي بداخله وتكثر البربره والسوالف والاتصالات المزعجه واكثر شي لما اسافر لاهلي كل شوي يدق يبربر ويحرجني والله صرت اتفشل من اهلي بيقولون من تكلم ذي كل شوي والمشكله تكون سوالف سامجه وانا بس ايه ايه ابيه يخلص اخر شي قلتله وش قصتك انت تراك تحرجني بحركاتك ذي انا عندك طول السنه ماشفت هالسوالف وش معنى اذا رحت من عندك ونتهاوش يايصكها بوجهي او اصكها بوجهه هههههههه لان فعلا حركاتهم ترفع الضغط لو هم فمكان واحنا ازعجناهم يمكن يقفلون جوالاتهم لين يرجعون وبيقولون عنا غثيثات بعد

انتي عصبيه وانفعاليه ونكدددددديه

حاولي تتداركين المشاكل باسلوب

التمسي له عذر ممكن جنبه رجال ممكن مشغول ممكن يتغلا

انتي طرحتي موضوع يعني لازم تتقبلين الردود بصدر رحب
والله رحمت زوجك من اسلوبك مع البنات وما الومه لو خلاك