بسم الله الرحمن الرحيم
اخواتي بنتي اليوم وهي بصف سادس ابتدائي جات وسألتني ماما ايش يعني زانيه
انا قلت لها اولا من فين عرفتي الكلمه :huh:
قالت انه المعلمه قالت لهم لاتتعطروا وتخرجوا لان اللي تتعطر وتخرج ويشموها الرجال فهي زانيه قلت لها والمعلمه ماشرحت لكم ايش معناها قالت لا قلت لها طيب باشرح لك ايش معناها بس اخلص اللي في يدي
طبعا هيه تصريفه لاني جلست افكر كيف اجاوب عليها قبل لاتسأل غيري ماعرفت ايش ارد عليها :icon33:
عصرت دماغي كيف ابسطها او اشرحها مدري ماعرفت صراحه
لو انتوا مكاني ايش تجاوبوا؟؟
ولاتقولوا طنشيها بتنسى انا لازم اجاوبها بنفسي ماابغاها تسأل احد غيري مدري ايش بيجاوبوا وايش بيقولوا وهل جوابهم صحيح والا لا
بس ابغى جواب مناسب لعمرها لهاالسبب طلبت مساعدتكم
هيلب مي :icon33::icon33:
شاركي في النقاش
سجلي الدخول لإضافة تعليق.
التعليقات
24- مدري صراحة شيء محرج ,,المفروض حديث زي هذا يدرسونه ثاني او ثالث متوسط ع الاقل بدأو يفهمون !!
- قولي لها زانيه يعني تسوي اشياء ما ترضي ربنا
ف الي تتعطر وتخرج للرجال تغضب ربنا - يعني بالله بسادس ما تعرف عن الام والاب وكيف يجيبون عيال.!
يا اختي الزمن هذا عارفين كل شي بس تلاقيها مافهمت الكلمة بالفصحى
قولي لها تنام مع رجل بالحرام نامت مع رجل مو زوجها وبس - قولي لها الي تسوي شي حرام وتغضب ربها والي تكلم رجال غيرىابوها واخوها وعمها وخالها وبس
- جزاكم الله خير اخواتي على ردكم
يعني ماشاء الله تبارك الله كلكم بناتكم يعرفوا العلاقه الزوجيه؟؟؟
بنتي صح بسادس لكن كل اللي فهمته لها عن الدوره والبلوغ اما زواج وتوابعه ماجبت له طاري قلت لسه بدري
مواضيع مشابهة
تابعي تجارب أخرى من هذا القسم.