شاركي في النقاش

سجلي الدخول لإضافة تعليق.

التعليقات

76
  1. @ammoon0015

    استخيري الله واذا ارتحتي تممي الزواج وخذي بعين العقل كلام صندوق بريد
    وزيدي عليها الرجل الصادق اللي مايتكلم على زوجته 
    اما كلمت مو مرتاح معها فهو عابها وفتح المجال لك تتخيلي انواع العيوب فيها هذي الكلمة بالذات لاتصدقيها ومن تجربه وانتي انسانه بترتبطي بشخص لك الحق تعرفي هل عنده سبب للزواج او في نفسه الزواج  والزواج بالثانيه مايحتاج لسبب 
    اغلب اللي يعدد يحب زوجته ومرتاح ويحسب انه بيعيش مع الثانيه نفس العيشه ولاتتوقعي انه يكره زوجته هذي بحد ذاتها راح تصدمك اذا شفتي الخلاف
    خليك واضحه اشرطي معرفة زوجته بيت مستقل والعدل بكل شيء ومهر ومؤخر معتبر لأن لو ماخذك تسليه بيتردد واذا هو قد الزواج راح يستمر 
    وانتي ادخلي حياته ناويه الخير وحثيه على العدل وتحملي زعل الأولى ومدارات الزوج لها ترى قلبها مكسور وصعب يبرأ
    وطبعا الإستخارة بكل شي 
    وشوفي وضعك مع الغيرة لاتحكمك عاطفتك اعرف وحدة تطلقت اكثر من مرة بسبب غيرتها لأنها ماتتحمل فتنكد على زوجها بدون ماتحس 
    وقت الزواج توافق تقول يصرف علي وقدام الناس 
    وانو ماراح احبه بعد الزواج تقول مااتوقعت احبه وتبدأ مشوار الغيرة 
    والله مو شماته بس انبهك لها الأمر وماندري وين نكون بكرة
  2. بعد زواجك به 

    تذكري هالشي


    بيرجع لزوجته الاولى 
    وبتكون راحته عندها 
    وبتكون الكل فالكل 



    واذا ماتزوجتيه انتي الربحانه 
    وفكيتي بنت الناس من دخلتك اللي بتدمر نفسيتها وبتخرب حياتها ومن خراب حياتك وتدمير نفسك للمره الثانيه 


    عشان شي تافه 
    اللي هو 
    رجال عديم احساس
    قال ايش ماارتحت معها
  3. @mskoy

    اكذب عذر ممكن يقوله الرجل مارتحت معها
    والثلاثه عيال من وين جو!!؟
    اجل لو كان مرتاح كم جاب!!

    هالكلمه انتي تعتبرينها مهي سبه لكنها تجمع كل سبه تتخيلينها
    يعجبني الرجل اللي اذا جاء يخطب يقول حرمتي مامنها قصور لكن احب اعدد 
    مافيها شي ولا هو حرام 
    لكن يخاف الخطيبه ترفضه فيلجأ لطريق ملتوي

    مثل ماقالت وحده من الاخوات الصوره ماتكفي اجلسي معه وشوفي عقليته وفكره
    ومن ناحية زوجته لازم يكون عندها خبر لانها لو مادرت الا بعدين ممكن تطين عيشته خاصه وانها توها صغيره وتكونين انتي الضحيه
    فلو طينت عيشته قبل الملكه يكون معه مجال يتقدم او يتأخر قبل ماترتبطين به عاطفيا

    الله يختار لك الصالح واسألوا كثير عن اخلاقه وطباعه هي الفيصل بعد الدين
  4. صاحبة الموضوع
    يابنات وشفيكم هبيتو فيني كني سارقته من الشارع

    تراه هو اللي جا ونااااااشب لاهلي نشبه والله اني ابفكر وابي وقت وعجزت من كثر اتصالاتهم

    الرجال ان رفضته بتاخذه غيري واللي براسه العرس مايرده شي ويعلم ربي اني مابي انكد على احد ولا ابي اخرب بيت احد انا ابي اتزوج واستقر واكون اسره حالي حال اي بنت ثانيه ،، وجيت استشيركم مادريت اني وطيت لكم على وتر حساس

    انا ماوافقت ولا شفته شوفه شرعيه ولا شي انا موافقه مبدئيه ماعطيته وانتم تقولون اقعدي معه وناقشيه ،، طبيعي اذا وافقت ابقعد معه انا للحين افكر بموضوع اني اوفق عليه وهو معرس ولا لا

    للامانه استفدت من بعض ردود الاخوات الله يجزاهم خير اللي قالو لازم زوجته تكون داريه لاني مافكرت بهالنقطه ابقولها اكيد ومسالة البيت المستقل والاعلان والعدل هذي اكيد بطلبها

    وان شاء الله اني ابستخير وربي يكتب لي الخير والصالح

    رجاء خاص اللي الموضوع حساس بالنسبه لها لا ترد مو ناقصه نفسيات المنتدى مليان مواضيع روحي فشي خلقك فيها

تابعي تجارب أخرى من هذا القسم.