نصيحه مني م عندك شغاله ادخلي وادعيلي

السلام عليكم
هذا اول موضوع لي
سجلت بس عشان اقولكم طريقة جدولي وطريقتي ب المطبخ والطبخ

المهم
اول شي اللي ماعندها غسالة ملابس اتوماتيك تروح تشتريها
واللي م عندها غسالة مواعين تروح تشتريها ي ززززززين غسالة المواعين وربي روووووعه روووعه

وغسالة الملابس صراحه اول م شريتها م تنظف
بس من شريت فنش رووعه صاروو بيض الملابس ي ربي لك الحمد

ب اختصار المطلوب
1:غسالة ملابس اتوماتيك
2:غسالة مواعين
3:كواية كبس
4:قدر ضغط

جدولي
السبت: غسل الملابس
الاحد : كوي الملابس
الاثنين:كنس البيت
الثلاثا:راحه
الاربعا :غسل الملابس
الخميس: راحه
الجمعه راحه

نجي للمطبخ
دايم مطبخي نظيف ومرتب ي ربي لك الحمد
كل المواعين ب الغساله ومن الغساله للكبت لانها تنشفهم من الماي

الطبخ اصلن م ياخذ وقت اللي ياخذ الوقت هو تقطيع الخضره والدجاج

انا شلون طريقتي
اول م نجيب اغراض الجمعيه ارتب الاغراض
واخذ كل الخضره واقطعهم وبالفريزر
حتئ البصل والثوم افرمهم واحط وياهم زيت زيتووون وبالفريزر
والدجاج اقطعه حق كل يوم وبالفريزر

والله ماخذ وقت ابد بالغدا او العشا وصرت استمتع بالطبخ حيييييل
لاتقولين البصل ماياخذ وقت او الخضره جربي تفرمين جم بصله وشوفي الفرق والراحه والمتعه بالطبخ


الغدا ربع ساعه وخالص مرق ودجاج وعيش وماكو الذ منه ينهبل عليه زوجي
احط كل الخضره بقدر الضغط مع الدجاج طبعا طبخي مايخلا من البقدونس والكزبره
طبعا اجمدهم هذيلا افرمهم واجمدهم

المهم احط الخضره والدجاج والبهارات والصلصه بقدر الضغط
وقدر ثاني عادي احط العيش
وربع ساعه واطفي عنهم

شفتوا ماحسيت اني طبخت ابدددد
ولا خذيت وقت ب المطبخ
عكس قبل كنت اقعد الوقت كله اقطع وبهدله والمطبخ يصير حوسه

ونحط غدانا ونخلص واحطهم كلهم بغساله المواعين ي لبيه ي غسالة المواعين بسس
واشغل الفواحه بكل ركن ب البيت وتعالي بس
ترتيب ونظافه من غير تعب ولا شي

وسلامتكم ادعولي بجنة الفردوس لي ولجميع المسلمين والمسلمات
(( نصيحه اقري صفحه يوميا من القرآن وصلي صلاتك بوقتها وكثري من الاستغفار وربي وربي وربي بتحسين بسعاده ووناسه وانشراح بالصدر ))

سبحان الله وبحمده سبحان الله العظيم

47 تعليق 19,596 مشاهدة

شاركي في النقاش

سجلي الدخول لإضافة تعليق.

التعليقات

47
  1. صاحبة الموضوع
    الحمامات اذا شفتهم يحتاجون نظفتهم بس اغلب الايام لاوالله نظاف
    والتمسيح ع حسب بعد اخذ سفنجه مع ديتول وامسح الطاولات وبس
    وغرفة النوم من ضمن البيت خم وتعطير وتمسيح
    طبعا ماياخذ دقايق المسح (فيس مبتسم )
  2. @roaa_alkmra

    نفس نظامي بس ازيد عليه يوم الاثنين امسح السراميك وارتب الملابس والحمامات في نهايه الاسبوع بفلاش وكل يوم مرتين اشطفه بديتول وشويه كلوركس وفيري في علبه تطلع ريحه الحمام حلوه ونظافه

تابعي تجارب أخرى من هذا القسم.