اذكري الله و استهدي بالله
الموضوع بسيط بس يحتاج صبر منك و سعة بال
اتوقع الريحة مو من الشرشف نفسه بمعني ان الشرشف خلاص تغسلي و انتهى بس اعتقد المشكلة بالفراش لما يتسرب شي عليه و كمان المخدة تتشرب و تعلق الريحة
الحل هو انك تشتري حماية للفراش و المخدة شوفي المحل الي تشتري منه الملاحف و في كمان في بي اتش اس اسمه حماية الفراش و المخدة
هو عبارة عن كيس عادي للمخدة بس عازل يمنع تسرب السوائل للمخدة ...جيبي المخدة و لبسيها بكيس الحكاية و بعدها لبسيها بكيس المخدة العادي الي يجي طقم مع الملحف
و نفس الشي الحماية للفراش زي الشرشف الكبير لبسيه الفراش و بعدها افرشي الطقم
بكذا تظمني و لا شي يتسرب للفراش او المخدة نفسها اقصد الاسفنخ تبع الفراش او الاسفنج تبع المخدة لان لو تبلل صعبه ينغسل
طريقة تعطير الملابس
فضي الدواليب من كل الملابس امسحي الدولاب بمطهر مخفف و ارجعي امسحي بفوطه جافة و اتركيه مفتوح عشان يتهوى و ينشف تمام بعدها امسحي داخل الدولاب بعطر زيتي او كلونيا او أي عطر تحبيه بس الزيتي حلو لانه يمسك افرشي لك في الدواليب و الادراج ورق معطر تشتريه جاهز او انتي قطعي ورق على حجم الدولاب او الدرج و رشي عليه عطر او استبدليه بقطعة قماش و بعدها وزعي ملابسك المغسولة و المكوية و وزعي صابون مبشور بريحة حلوة او مسك مبشور بأكياس تل و اخر شي حطي المدخن و سكري الدولاب و انتبهي خلك قريب لا يحترق المكان لا سمح الله
الملابس و انتي تغسليها و تكويها طيبيها و بخريها و بكذا تمسك الريحة تمام
تعطير الغرفة
بعد تنظيف الغرفة كااامل امسحي الارضية لو كانت سيراميك بمطهر بريحة ورد او عود و لو ارضيتك سجاد جيبي مطهر داك بالورد و حطي عليه شوية عطر و بالفرشاة الخشنة افركي السجاد بعكس اتجاه الشعر تبع السجاد و خليكي غطسي الفرشاة بالمطهر انفضيها عشان تتخلصي من الماء الزايد و افركي السجاد حيطلع كأنه جديد و ياخذ ريحة حلوة و بتطلع منه أي حاجات عالقة فيه حتشبك بالفرشاة بعدها وزعي بسلال ورد مجفف و عطريه و وزعيه بسلال صغيره عطري الستارة و المخدات لو عندك ( ما اقصد المخدة الي تنامي عليها ) و اخر شي دخني الغرفة
ممكن الشرشف تبع السرير قبل ما تفرشيه تعطريه و تدخينه و ممكن تعطري شرشف و تدخنية و تفرشية كطبقة اولى على الفراش و بعدها تفرشي ملحفك عادي
بس انتبهي لو انتي او زوجك عندكم حساسية او ربو ابعدي عن كل هذه الاشياء اكتفي بالتنظيف الاعتيادي و اتبعي نفس الخطوات بس باستخدام عطور خفيفة جدا او عطور طبيعية
ان شاء الله تستفيدي
ريحة مفرش سريري يامتزوجات
متابعة النقاش، صفحة 2