انا عارفه ان ممكن تشوفو موضوعي تافه بس انصحوني

سلام عليكم

والله ماحب اكتب مواضيع عباطه بس اليوم حسيت اني خلاص وصلت لحد بكييييت

اقلكم. مقدمة عشان تكونو بالصورة
انا متزوجة من سنة ونص وكتبت قبل موضوع عن وضعي وحياتي اني ساكنه بقرية بعيد عن اهلي ولحاااالي ماعندي مخلوق
انا موظفه وزوجي طبعا يشتغل ودوامه طووويل يرجع المغرب العشا احيان 9
والسبت يداوم كذلك يعني ماعندنا الا الجمعه نجلس فيها زي الخلق مع بعض او نطلع
بحكم اني معلمة اسبوعي كله شغل حتى في البيت وهو بطبيعة عمله مشغول يعني الويكند يعتبر متنفس لي وله
وهالاسبوع عنده شغل في الرياض ومضطر يسافر الجمعه يعني نهائي مارح اشوفه وراح نبدأ الاسبوع وننشغل

قبل كان يقول انتي يا مشغوله ياماسكه جوالك بالرغم ان جواله مايفارق ايده حتى وهو نايم والله جواله شغال و يرد ع المكالمات وهو ناااايم
وانا ماقد تكلمت

اللي حصل اني طلبته اليوم مجلس سوا او نطلع قال نطلع بس ناخذ معانا امي وخواتي اوصلهم قلت يلا
وصلنا امه ووصلنا خواته كانت زحمة فطيعه تأخرنا ل 12 الليل
بعدها قال وين نروح وشفت عيونه حمر رحمته صاحي من الصبح قلتله خلاص نروح بيتنا نسهر ع فلم وننام

رجعنا البيت الا دخل نام ! قلتله ابي اجلس معاك والله يابنات اني اطفش بشكل لايطاق من البيت للدوام ومن الدوام للبيت مافي مخلوق اتكلم معاه ارجع البيت اجلس لحالي وهو يجي يتغدا اويتعشا ويجلس ساعه وينام و انا انام وعلى هالحال
ذبحني الروتين ابي اطلللللع ابي ااسولف مع احد سوالف برا الشغل برا الندرسه برا اي شي ابي اروق

قمت انا حز بخاطري تمنيت اني ماطلبته لانه كسحني
مع العلم اني ماطلبته الا بناء على رغبته قال اتمنى تقوليلي ابي اجلس معاك
وفعلا انا افقده والله ايام الاسبوع مانشوف بعض

قلتله تراك كسرت بخاطري تصدقون انه مارد علي و رجع عطاني ظهره
انا هنا انفجرت وقلتله انت ماتحس ياحبيبي مابي منك شي بس قلتلك نجلس سوا قال قلتلك وين نروح قلتي ودني البيت !قلتله عشانك شفت غيونك جمر رحمتك قال الله العالم !
لمن قال هالكلمة انا فعلا حزنت على نفسي لاني والله اهتم فيه وماحب اتعبه بالرغم اني احتااااج اطلع اغير نفسيتي فعلا مضغوطه بس عشانه قلت خلاص نرجع

قمت بكيت وماسوا ولاشي بس قال معليش و انسدح

مشكلتي وادري انه عيب فيني حتى وهو كاسر خاطري انا اراضيه وادلعه ماحب اضايقه
وهو ادري فيه يحبني يابنات يبكي لمن يزعلني والله مره رحت لاهلي زعلانه جا لبيت ابوي عند ابوي يبكي يترجاه يشوفني وارجعله وابوي قال دام دموعه نزلت عشان فهو يعزك كثير
ويحرم نفسه من كل شي اذا زعلت منه يعني بعد اللي صار مارضي ينام وانا رحمته تعبان شكله قال لا مابنام لاني زعلتك بعاقب نفسي واحرم عيوني النوم
بس اسلوبه الظاهري جدا قااااسي وجاف وفيه كمية جلافه
عااادي واخنا بوسط مشكلة او نقاش او حتى انا انفعل وابكي مايعبرني يعطيني ظهره او يطلع من البيت مررره قلبه بارد

يعني انت طااالب مني هالشي ولمن اسويه تتجاهلني !
احسه ينبسط كذا اني اطلبه ويطنش ويسوي مشغول و يبيني ارجع اطلبه كثير مدري مافهمتله طبعه غريب

انا اقلكم اللي حصل واقلكم مزاياه عشان تحاولو تفهمو طبعه وتفهموني كيف اتعامل معاه
اتجاهله واعيش حياتي واستمر مشغوله عنه ولا اعطيه وقتي و اهتم فيه ولا اييييش اسوي

اذا انشغلت يرعل ولمن ااذور عليه واخاول اتقرب منه يتجاهل ويشغل نفسه اتندم اني تقربت له او طلبته

13 تعليق 2,529 مشاهدة

شاركي في النقاش

سجلي الدخول لإضافة تعليق.

التعليقات

13
  1. @frashh_fsforyh

    هم كذا الرجال نفس الي عندي صرت اسوي زيه سبحان الله تأثرت منه غصب مع انو ماودي لأن شخصيته ماتعجبني بس والله غصب من عاشر القوم يابنت الحلال وسعي صدرك بنفسك وخليه الين يحس فيك وش تسوووين حناء وهم صرنا القطو والفار الله يعينا بس على فكره هم مزاجيين
  2. @lhthh_hdoaa_1

    نفس طبع ابوي امي حتتجنن يبيها تراضيه كل مازعل واحيانا يغلط هو ويسوي نفسه زعلان ويشرب عشر فناجين قهوه سودا يبي امي تقوله خلاص ويجلس علا السرير ماينام ولمن امي تنام يجلس يحرك لها السرير يبيها ماتنام ويبي امي بس تلاحقه انتي عطيه جوه يابنت الحلال وتدلعي له احسن مايروح يدور هالشي من وحده ثانيه
  3. زوجك صاحي من الفجر و هذا غير الدوام الطويل المهلك و بعدها طلع وصل امه و اخواته و ما خلص الا 12
    و بكره عنده سفر
    طبيعي بيكون تعبان و هلكان يبي ينام
    لو استغليتي الليل من بدايته و جلستوا في البيت و سمرتوا الى 11 او 12 و نام افضل
  4. @mskoy

    اولا السهر على الافلام معصيه
    والمعاصي سبب المشاكل
    احيانا فلم واحد يسبب لك ضيقه ويدخلك مشاكل انتي في غنى عنها
    ثانيا انتي موظفه يعني تطلعين وتشوفين الناس وتسولفين احمدي ربك
    اجل وش تقول ربة البيت اللي ماتشوف احد الا عيالها وزوجها بس

    ثالثا زوجك حبيب ولا قصر وموظف وتعبان وناوي يلبي رغبتك بس انتي رحمتيه ثم زعلتي عليه!!امرك غريب
  5. @oatsab

    الحين انتي رحمتيه لايسهر برا
    وتبيه يسهر معك يشوف فيلم له حق يستغرب
    طيب تعبااان وبيناام شوفي الفيلم لوحدك
    وبكره من بدري اجلسي معه مو شرط سهرره
    المهم واضح ان زوجك يحبك خلاص لا وجد الحب
    كل شي يهون وعاادي لاتفكرين بكلامه
    انتي ماغلطتي مره بس ماقدرتي توصلين
    له وش تبين وهو بعد خلاص انسي وسولفي معه
    ولاتقلبيها دراااما

تابعي تجارب أخرى من هذا القسم.