قصة وﻻدتي.( للفائدة)

السلام عليكم ورحمه الله وبركاته
كيف حالكم حريم وكيف اوضاعكم مع الحمل والولادة .
حبيت أشارككم في تجربة حملي ووﻻدتي . 
بحطها بالتدريج فارجة أن ما حد يرد لين انهي موضوعي ولكن جزيل الشكر


ابدا بسم الله

طبعا هذا حملي الثاني والحمد لله . ما كانت عندي وايد مشاكل. الا اني
نقص دمي بالايام الاخيرة ﻻن ما كنت اشرب حبوب الحديد. انساهم خخخ
بس الحمد لله عدت على خير. 

دخلت الشهر التاسع وكل مرة الدكتورات لهم كلام في وزن الجنين. مرة 3 كيلو
ومرة 2 . المهم ماعطيتهم اهتمام. يخوفون ع الفاضي. 

وصلت الاسبوع 39. وكنت ثقيلة وايد. وفوق هذا كان الالم يجي ويروح من
بداية التاسع.  الا اني ما احب اتاوه واتدلع خخخخ ( الاخت صبورة )
بيوم من الايام. خليت زوجي يقيس فتحة عنق الرحم اذا مفتوح او ﻻ. 
( ماندري كيف يقيسوا قلنا ياله نجرب خخخ )
المهم حصلنا ان المنطقة شادة وصغيرة وشكل عنق الرحم مافاتح. بامانة
ضاق صدري وتضايقت استغفر الله العظيم. 

1-  طريقتي بتسهيل الولادة
اوﻻ الله المسهل . هو بيده الامر كله. ولكن الواحد ياخذ بالاسباب. طبعا الغير
مبالغ فيها. وانا بامانة ما اقول ان هالاشياء تسهل 100% بس انا جربتها
ﻻن ارتحت عليها. اولها الاستغفار وقراءة القرآن  والدعاء. والسجود. هذي 
اهم الاشياء.بعدين تجي الاشياء الاخرى.
قريت وايد اشياء مرة نفتح الرحم وتجيب الطلق ومن هالسوالف. ودخون
قشور البصل وانتقع بحلتيت واغتسل بمرة. 
بس بامانة ماقدرت اخاطر واسويها وتزيد الامر سوء ااخذ اللي ارتاح له اما 
الامور القوية ابتعد عنها. 

خليتني على الحلتيت. بس كنت اشمها بين فترة وفترة. ( الخيل او الخيلة )
ا لها ريحة قوية اللهم ياكافي بصل متعفن استغفر الله العظيم.
لمهم وكنت اشرب حليب دافي مع عسل طبيعي . و7 تمرات اول الصباح على الريق
من بداية التاسع وكنت اكل اناناس  بين فترة وفترة. ﻻني وايد احبه بعض النظر على
انه منشط للرحم. 
كنت استحم بماي دافي مائل للحار شوي. اخليه يضرب على بطني. واسفل ظهري.
وكنت ادلك بطني وصدري بزيت زيتون فيه حبة البركة يكون دافي. ادلك البطن 
باتجاه الاسفل. وادلك اسفل الظهر بعد ما ادري اذا له تاثير. بس انا
قلت اجرب . للعلم كنت بعد ما انتهيمن التدليك احس بارتياح.
وكنت اتمشى على رمل البحر مسافة طويلة . المهم اني ما اتعب.
يعني حسب طاقتي.
تمارين كيجل . وجلسة القرفصاء. وتمارين التنفس الطويل اللي يساعد بالزفرة
تدريب عضلات البطن على الدفع. طبعا بشكل خفيف.
 
المهم. في هالفترة كنت مجهزة شنطتي وشنطة البيبي. وجاهزة نفسيا وماديا
ومعنويا للولادة خخخ. 

محتويات شنطة البيبي:-
3 لبسات افرهول.
2 زوج قفازات 
شرشف خفيف للقماط. 
شرشف سميك شوي للف البيبي.
كيس حفاظ بامبر صغير.
مناديل مبللة الكيس الصغير. 
قبعة فيها مكتوب ( ماشالله ) خخخ 
رضاعة صغيرة. مادري ليش بس كذا احتياط

شنطتي انا.
بدلتين ملابس
ستيانات طبعا النوع القطني 
الويز كيس كامل (عشان استخدام على راحتي )
صابونه. معجون وفرشاة اسنان. مشط . كريم لوشن. 
مزيل عرق. وعطر ريحته هادئة . 
مرطب للوجه وكحل ومرطب للشفاة ( ﻻزم بيجي الحب بعد الوﻻدة 
مايصير يشوفني متبهدله خخخ )

يتبع.........
نلتقي مع تكملة الموضوع