سلفتي مااستقبلتني ولا ضيفتني

أول مره كانت رائعه معك و عطتك حقك من الحفاوه و التهليل و تلقينها اجلت كل شغلها بعد عشانك

ثاني مره خلاص يا قلبو ترى منتي ضيفه هذا بيت اهل رجلك يعني عمان عيالك

وانتي لاعبه دور الضيفة بامتياز ..!!

اصلا حطي نفسك مكآنها واضح مافيه شغاله و طفله رضيعه و عزيمه غداء و مواعين لين بكره.!!

هذا غير المشاغل الثآنيه الي تنتظرهآ و اصلا ليه طولتو هالمده كلها دامك تبين تصيرين رسمية و ماكان ودك تغسلين الصحون .؟!!

الرسميه تخلص تغسل يديها و تمشي ،، و ما تجي الا شايله بيدها شيء

دامك طولتي اكيد الحرمه بتروح تخلص مشاغلها الكثيره تبينها تأجل رضاعه بنتها عشآنك .؟

بصراحه متوقع منك تقومين تساعدين هذي شيم بنات الاصول خصوصا انه مو بيت صديقتك ولا بنت خالك هذا بيت حموووله ماعندهم شغآله و سلفتك ماهي خدامه هي بنفس منزلتك بالضبط

مفروض تخجلين منهآ و تقومين تساعدين بنفس رآضيه

واضح ان نفسهآ شانت من برودك و حست ان ودك بحركآت الرسميات و قعدة رجل على رجل و هي كذا\
:3_13_12:

عشآن كذا يوم جاء وقت راحتها البسيطة و الوقت المناسب للضيوف و السوآلف جت السلفه الي هي متعوده عليها من زمان و انبسطت معهآآ



بالضبط

انتي باقي عروس انتبهي تقولين لزوجك كل صغيره طريقتك تفرق بين الاخوان بكره يتزاعل من اخوه بسبتك وتصير سلفتها الثانيه احسن منك انتبهي هذي نقظه الشي الثاني العيشه مع اهل الزوج تجيب النكد كل وحده تبي تكون حره في بيتها ولمن تكون ام الزوج ببيت ولدها طبيعي كل شوي يجون يزورونها عيالها بدون اذن او شي بعض الاحيان الوحده ماتطيق نفسها وعيالها حتى لو كان لها بيت لحالها شكلها ماراتحت لك وعادي لو ساعدتيها طب انيت طلبتي منها وهي قالت لك مسحي مافيها شي شيلي التفكير السلبي من عقلك راح تعيشين مبسوطه حتى لو ماكرمتك شي شارجع لها رضا الناس غايه لاتدرك ونتي جايه عشان ام زوجك يمكن جيتي في وقت ماهي حابه تستقبل احد انا اذا جوني اهل زوجي بعد مايروجون تعالي شوفي انواع الكرف مافي وحده تشيل بس عادي اخلي الشغل حتى افضى انتم عاداتكم تقولين تختلف عن بعض اهل الجنوب طيبين وانتي اكسبيها الله يعينك اذا لك شهرين وقمتي تتشكين منهم خلي جوزك بعيد عن مشاكل الحريم

انا اعذر سلفتك رضيعه ونوم متقطع وضيوف وغدا الظهر مايتأجل عشا او حتى اشبع نوم وكرف وشغل 
المره الثانيه اعزميهم ببيتك 

الي يقولن لك اشتغلي انتي عروس شي طبيعي للحين ماتعودتي وعيب عليهن يخلونك تمسحين السيراميك 
 يكفي عليك بيتك وعمتك موساكنه بلحالها والا الوضع اختلف وبعدين هن الي اعزمن والي مو قد الضيوف
 وتعبهم لايتكلف ويعززم اما ماتقهويك و تشغلك عيب والله
  شوفي ياقلبي مره ثانيه روحي قبل الغدا او العشا بنص ساعه لاتجين بدري ووصي زوجك يجيبلك من ارقى المحلات حلا وسوي قهووتك واكشخي وروحي واجلسي جنب عمتك مالك شغل بغيرها قهويها وباشريها  وامزحي معها والي بتجي تجلس ياهلا ومرحبا ان سالتك جاوبي وان قالت نكته اضحكي وان قاامت ولاتسالين عنها وبعد العزيمه سلمي على ام زوجك واستاذني وقولي يالله سلمولي على فلانه ووباااي ولاتدخلين المطبخ ابد خلي لك برستيج  وبين وقت ووقت اعزميهم عندك وخليك هبة ريح وسنعه عشان مايحسبون انتس رفله فرق بين البرستيج والرفاله  قومي فيهن  فبيتك وضيفيهن وانتي مبتسمه ووجهك بشووش لاتبينين تعب ولاشي وان حاولت  تساعدك  احلفي لاوالله استريحي حبيبتي وواجبكم علي خليها تتعلم  منك قدر الضيوف واحتراامهم ولاتعودتم على بعض وشفتيها اخلاق ذااك الوقت عامليها كاخت لك لكن الحين اهم شي كرامتك اجل ماتسويلك قهووه والحلا يشاورن بعض
 يارب لاتبلانا لاعاد تدخلين عليها غير بقهووتك وحلاااك 

حبيبتي لا تكبرين الأمور أولا انتي رايحه لام زوجك مو لها وثانيا اذا هي كذا طبعها مزاجيه هالاشكال خليك بعيده عنها واضح جدا انها مزاجيه وكل يوم تطفش من وحده وتسير علي وحده وانتي خليك افضل منها حتي لو بيوم جات بيتك لا تردين لها الموقف نهائيا والله بتكبرين بعين زوجك وحتي هي بتستحي من حركاتها الي سوتها خليك افضل منها وطنشي لها هالموقف ومره ثانيه لا رحتي اجلسي مع ام زوجك وهي كانها كنبه بالمكان حدك سلمي عليها وخلاص