هل أنا مجنونة أم غبية؟؟؟

شوفي حبيبتي بموضوعك وطريقه اسلوبك حسيت انك نبيهه بسرعه وذكيه ماشاءالله .. وبالعكس حسيت ان قدره تركيزك عاليه بس مشتته وماتعرفين تضبطين دائره الحوار .. يمكن لأنك طيبه من داخل والي على قلبك على لسانك تقولينه على طوول .. ويمكن لأنك كتاب مفتوح فهذا غير والغباء والجنون غير


شوفي حبيبتي انتي تحتاجين ثقه بالله ثم ثقه بالشخصيه ثم تنميه ذاتيه من خلال روابط برسلها لك بس ذكريني عليها لاني الحين ماادري وينها

والناس الي قالت لك انتي مجنونه او غبيه يمكن بالنسبه لمستوى نظرهم لأن الناس الشي الغريب عليها تستنكره .. انا ياما قالوا لي نفسيه او منتي صاحيه لان عندي افكار وتركيزات وتحليلات دائما اقولها وحاليا شغلت طاقتي بهالشي لمشروعي والحمدلله بالعكس لقيت وين اوديه بمكانه الصح

لاتتشبعين بكلام انتي مو مثله

انا قالوا لي اردى منك

وحاسه نفسي فوقهم كلهم *_____*

قولي غصب يا اكون مثلك يا اكون غبيه هههه

الناس تختلف
واعلى مابخيلهم يركبونه


اهم نقطه ثقي بنفسك

ترا محمد صلى الله عليه وسلم قالو عنه ساحر ومجنون وشاعر ولا واحد او اثنين اللي قالوه...وللحين يتكلمون فيه

ف بالله عليك انتي افضل منه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تعجبني ردود يوشا خانم :)

ومين هم الناس عشان يقيمونك  ويحكمون عليك غبيه او مجنوونه والله ان كل الامراض النفسيه سببها كلام الناس يفرضون عليك شخصيه ويقولون انتي كذا الا كذا ماتحسين بنفسك الا انتي صدق تبرمجتي على هالشي 
كونك تطلعين بموضوع وتدخلين بموضوع يمكن مااحد يحتويك ويسمعك تحبسين كثير ولمن تقابلي احد تجبين كل السوالف دفعه او ماتعرفين ترتبين الحكي انت فاقده اهتمام ماعندك احد يسمعك 

ماشاءالله ربي يحفظك ذكرتيني بوحده من زميلات الثانوي كانت عبقريه
نفس طريقتك بالكلام ومانلحق عليها تتوهنا وتنهي الموضوع فجاءه لما شرحتي اسلوبك ذكرتيني فيها البنت ماشاءالله طلعت الاولى ع المملكه واتوظفت وظيفه جدا مرموقه وكانو يسوون معاها مقابلات في الجريده والتلفزيون لانها اخترعت نظام للفيروسات في الكمبيوتر لكن للاسف رغم ذكائها كانت جدا متهوره قراراتها متخبطه فقدت وظيفتها وصارت لها مشاكل كثيييره لانه عندها افكار تمرديه غلط الله يصلحهاويهديها ويرجعها لصوابها
انا اعتقد مشكلتك في اتخاذ القرارات والعصبية والعناد والتزمت برايك
مدري اذا انا صح ولا غلط انتي احكمي