لكل زوجة تاركة حمولتها ومقاطعتهم تجي 🌹

معقوله حتى الي حمولتها طيبه ماتروح الا مره بالشهر
شوفي خذيها من وحده ام زوجها ساكنه معها
اذن طين واذن عجين يدخل من هنا ويطلع مناك
قالو فعلو طنش تعش
وريحي بالك وبس انا ماازورهم لان امهم عندي بس السهاده الله حمولة طيبه كلن كاف وعاف مالهم بالحرش والمناقر ابد كل وحده تجي محترمه وتطلع محترمه
لكن انتم سوي الواجب وزوري الام والاب وباقي البشر خليهم يتكلمون لين تجف حلوقهم وطنننننننش
الحقران يقطع المصران

وانا طبعي مثلك  هلاوينات  
انصح كل وحده  ما  تركض  ورا  كل كلمه تنقااااال   
سكرو   اذونكم  عنهم  وبسسس
اهم شي  الرجال   زين معك ولا يقصر  خلاص  الباقي  طنششششيه .. 

والله كما تدين تدان واحنا بكره عيالنا يتزجوا ونبغاهم يجونا. ولي نرضاه لنفسنا نرضاه لغيرنا الحمدلله اروح لهم وربي يكتب اجرنا سمعت كلام وزعلت وزعلوا مني بس الحمدلله عدت ع خير. 

اعذروني بس أستغرب رد بعض البنات ليش القطيعة والتحريض انتي ما ترضين مراة أخوك تقاطع والديك وتافف منهم مثل ما تدين تودان وحتى تربين عيالك على كذا الله يهدي الجميع

انا بعد المشاكل اللي شفتها من ام زوجي واخته قاطعتهم سنه ونص


طبعاً القطعيه كانت لهم اثنينهم فقط لان هم اللي اذوني اما باقي اهله اتواصل معاهم عادي وهم كمان ماكانوا يتدخلون باللي صاير


وكنت اذا قابلتهم بمكان او مناسبه اسلم باليد فقط لكن مااتكلم معهم


لان اغلب المشاكل كان بسبب اتهامهم اني اتلفظ واقول كلام كلام ماقلته وامد يدي وقصص غريبه عجيبه


طبعا زوجي كان راضي وماعارض هالشيء لان القرار جا من ابوي بعد ماعجزنا نحل هالمشاكل


بعدها دارت الايام وسكنت ام زوجي جنبي ومرضت وقمت فيها والحمدالله تغيرت معي للأفضل بكثير


اما اخته كم مره نحاول نصلح الحال لكن للأسف مثل ابليس قلبها اسود ومافيها خير


لحد ماقرر زوجي اللي هو اخوها ماعاد تدخل بيتي وهو انقطع عنها لانها وصلت لدرجة تتكلم بشرفي وتحاول تسحب رجلي للزلة


والحمدالله دام ام زوجي راضيه عليه وعلاقتي معاها كويسه وتحترمني ماهمني بالبقية