اللي سويته صح ؟؟
حبيباتي ابغأ منكم المشورة والنصيحة احب نصايحكم وهذأ من ثقتي فيكم ولي فترة اراقب ردودكم الحكيمة علشان كدا ابغأكم تنصحوني باللي سويته صح ولا غلط .. انا وحدة معلقة تركني زوجي في بيت اهلي وما احب ادخل في التفاصيل إيش هي اسباب تركي له مع إني والله العظيم انو الغلط منه غدرني بشي قوي وما احب اقول إيش هو .. المهم في السنوات اللي راحت حاولوا الناس يتدخلوا بالصلح يا إمساك يا تسريح وهو رافض وبالاخير قبل ما ارفع القضية عليه راسلته وبردت قلبي فيه وعلى غدره فيني وقلت له إنت ما ينفع معاك إلا القانون لا تبغأ ترجعني ولا تبغأ تطلق وهو طبعا مستهتر بكلامي وفعلا رفعت عليه القضية وحضرنا انا وياه الجلسة الاولى وتجادلنا امام القاضي وبعدين حدد لنا القاضي جلسات ثانية وطبعا حضرت كل الجلسات بإنتظام وزوجي ما حضر ولا جلسة إلا الاولى بس !! اعوذ بالله منه ما يبغأ يحسم الموضوع وفي الاخير راسلته بالواتس طرحت له شروط رجعتي في المحكمة ولا رد علي .. وبيني وبينكم شروط تعجيزية علشأن يطلق .. استهتارة قوي جدا استهتر فيني وبأهلي وبالقانون وهذأ اللي قهرني وصل إستهتاره بالقانون !!! سؤالي هو : اللي سويته صح إني راسلته بالواتس في فترة المحاكمة ولا ماهي حلوة بحقي ؟؟ وصدقوني والله العظيم راسلته مو شوق له ابغأه يحزم الموضوع ويبطل هاللعبة السخيفة .. لاني خلاص نفسي طابت منه