افكاركم في تسلية اوقات اطفالنا بعيد عن الاجهزه

جبت قطه صغيره تلعب مع ولدي بس للاسف صار يمسكها من رقبتها علشان ييلها وخفت يصير لها شي عطيتها ناس ثانيين عيالهم كبار ورحومين
جبت العاب مرجيحه وزحليقه احس انشغل شوي بس مل منها
اكتشفت اكثر لعبه يحبها اعبي مويه في الطشت واحذه بالوسط ويلعب فيه بالالعاب ويحمم سيارته وينبسط
بس مايطول نص ساعه ويمل حتي لو احد يلعب معه

اهم حاجة انك تشاركيهم اللعب والجلوس معهم انا لاحظت بناتي كذا اذا جلست معاهم يقضون وقت اطول غير لما يكونوا لوحدهم يلعبون شوي ويرجعون لأجهزتهم فصرت احاول ابعدهم شوي عشان عيونهم اوقات افرش سفرة واجيب صندوق المعجون ويجي معه تركيبات وشغلات كذا واسوي معهم اذا كنت رايقه ماعندي شغل واذا تعبت قلت كملوا بعدين كل وحدة توريني شغلها. ومرات اعطيهم كراسة ملونة وتوابعها مقص وصمغ والوان واكواب وصحون بلاستيك ويبدعون فيها ومن هالشغلات روحي المكتبات وتلاقين انشطة للاطفال برضه بناتي عندهم الاساور المطاط وتشغلهم شوي او اكواب من ايكيا تجي ملونة ويجلسوا يلعبون فيها

والله أهم شيء حلقة قرآن ضروري نستغل طفولتهم بالتنافس بحفظ القرآن والتشجيع نكتب لهم جدول وإذا حفظوا نحط نجوم ونهاية الاسبوع هدية لعل الله يحفظهم بالقرآن شوفوا زماننا وانتشار الفساد مدري كيف زمانهم الله يحفظهم
المشكلة احنا منشغلين بالدنيا وأوقاتنا ضايعة وهم أمانة في أعناقنا أقل شيء نحصنهم بكتاب الله وبإذن الله تصلح أمورهم

قرآن 
قصص
السيرة النبوية والصحابة
تلوين رسم قص غرا. 
اسئلة ثقافية من عمر الروضة الى ماشاءالله
يعني لو صغير 4 5سنين
من ربك من نبيك
وكدا
العاب البازل
وروحي  جرير ولا التعليم المبكر العاب تعليمية

موضوعك جميييييل