مشكلتي مع امي ادخلوا يالحكيمات

السلام عليكم ورحمته لله وبركاته .. كيف حالكم .. ان شاء لله تكونو بخير .. قبل لا ابدا يمكن للي انا قاعده اقوله ماتكون مشكله بمعني المشكله ...انما هي خلافات بوجهات النظر .. ولكن لان امي غاليه علي .. ولا ابغي لها حرقت هالدم علشان كذا انا كتبت لكم وابغي حل .... امي ياطويلات العمر .. مشكلتها انها مو مقتنعه بوضعها .. ولا حياتها .. دايم تندب حضها .. مع اني اشوف حضها الحمدلله .. عندها عيال عندي زوج عندها بيت مستقله .. ابوي حبيب معها مايرد لها كلمه .. بس ولله حيرتني مدري وش تبغي .. بصحتها ولله الحمد يعني تشتكي من بعض الامراض بس خفيفه الحمدلله .. بس كل الامور ماتملي عينها .. انا اذا جلست معها دايم تحسسني بالنقص .. بزوجي . باولادي ..بحياتي .. حتي خواتي معنا ولله الحمدلله مستقرين نوعا ما عندنا عيال ولله الحمد امورنا حلوه علي كل حال .. لله يهديها لما اجلس معها فلانه عيالي طيبن وكريمين .. واخوانك مافيهم خير.. فلانه حضها كبير .. فلانه بناتها ازواجهن احسن الازواج ( مع العلم ان ازواجهم لامهندسين ولادكاتره يعني مثل حالتنا بس امي تشوفهم احسن ) فلانه عندها بيت تطرد به الخيل .. فلانه تسافر .. فلانه زوجها يطيعها مشيته علي كيفها وفلانه وفلانه وفلانه .. لين نقوم ونروح لبيوتنا وانا اتاثر بكلمها .. اكره زوجي وبيتي وعيالي لانهم مو زي فلانه للي امي معجبه فيهم وبحياتهم .. من جد هالوضع ماثر فيني .. واذا نصحتها وقلت لله يرزقهم .. لله يوفقهم .. تسكت وتنقص من قدرنا كثيييير بكل شي بشغلنا بحياتنا .. بقدرتنا .. يعني لو وش نسوي ماتشوف ولا عمرها مدحتنا .. بس المدح لفلان وعلانا .. ( ادري انها امي وحق واجب اتحملها ) انا ماقول غير هالكلام بس ولله من جد تثير عندنا الرغبه بعدم الرضاء بالموجود .) وش الحل ياحكيمات تكلمت ونصحت ونعزلت بس مافيه فايده .. امي طبعها قاسي للي مو معي يعني ضدي 😥

19 تعليق 4,208 مشاهدة

شاركي في النقاش

سجلي الدخول لإضافة تعليق.

التعليقات

18
  1. @srab1000_1

    سلام
    حبيبتي مافي مثل الام مهما تقول هي احن واطيب وارق قلب لكم بدنيا

    مو مسؤليتك تغيرنها اهم تدعين لها وتبرينها الله يحفظها

    الله يروقنا البر بالوالدين
    قولي اميين
  2. @bhralaan

    يمكن فعلا اخوانك مقصرين معها وابوك ترا وجهة نظرك غير وجهة نظرها لكن ذكريها ان المحروم بالدنيا وصابر ومحتسب يعوضه الله بالاخرة
  3. @ghdosh_alhzn

    هلا حبيبتي 
    شوفي كل أم تبغى تشوف بناتها من أحسن م يكون 
    يعني تبي يكون مستوى زوجك عالي يعني تبيك تنبسطين لما تسافرين 
    تبي تشوفك سعيدة عند زوجك 
    م تبيك بيوم تحتاجين لأحد 
    ليش تكرهين زوجك وعيالك؟ 
    بسس عشان أمك تمدح في فلانة وعلانة أهم شيء ي قلبي 
    انك عايشة مع زوجك واولادك بسعادة وراحة يعني موفر لك اساسياتك 
    وقولي لامك الحمد لله حياتي مستقرة وزوجي موفر لي كل شيء يعني حياتي أفضل من غيري 
    وبعدين ي قلبي يمكن انتي تكلمتي عند أمك بمشاكلك مع زوجك أو أنه ناقصكم شيء عشان كذا تمدح في الغير وتبيك انتي في أحسن م يكون
    وأخيراً ادعي لامك بالهداية في كل صلاة 
    ربي يهدي الجميع والله يوفقك ويسعدك وتعيشين بسعااادة يارب =)
  4. @maya_88

    صاحبة الموضوع
    غدوش الحزن
    هلا حبيبتي  شوفي كل أم تبغى تشوف بناتها من أحسن م يكون  يعني تبي يكون مستوى زوجك عالي يعني تبيك تنبسطين لما تسافرين  تبي تشوفك سعيدة عند زوجك  م تبيك بيوم تحتاجين لأحد  ليش تكرهين زوجك وعيالك؟  بسس عشان أمك تمدح في فلانة وعلانة أهم شيء ي ق…
    جزاكم لله الف خير .. ولله يسعدكم ياللي رديتوا .. وكل كلامك علي عيني وراسي .. وادري ان الام مافي مثلها ... فاهمه شي .. بس ولله اني ماقلت كذا الا علشانها هي .. ابغي ادخل عليها .. ماالقئ منها لا الرضي .. ابغها تعرف نعم ربي .. وان الدنيا ماكتملت لاحد .. حتي لو حنا نشوف ظاهره سعيد .. كذا مرا احاول افهمها .. باسلوب .. بكلام حلو .. دايم ادعي لها ... لله يصلح احولنا واحوالكم .. ولله الرضي لشي حلو .. اقل مافيه يرتاح الواحد نفسيا.. بس انا ماابغي احد ياجج فينا .. النظر للغير وماعند الغير .. ولله نتعب وتتعب نفسيتنا .. لا حنا للي صرنا زيهم .. ولا حنا للي ارتحنا .. علي العموم الف شكر مره ثانيه لله يوسع خواطركم ويرزقنا القناعه ..
  5. @bayaa_almsk

    ايووووه

    امك
    زي
    خالتي وعمتي

    مايقولون الحمد لله وهم تعبانين ابد
    يعني لو قلتيلها كيف صحتك اليوم وشلونك ماتقول الحمدلله بخير حتى لو هي مزكمه
    لا لازم والله اني تعبانه واني واني وتشكى وتفتح سيره

    لازم اقولها ياعمه يالغاليه
    العبد المؤمن يشكر ربه ويحمده بسراء والضراء
    الله عزوجل يقول (( لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ ))

    اذا حمدتيه وشكرتيه حتى لو انتي تعبانه تشوفين الخير راح يهل عليك
    وراح يرزق الصحه والعافيه
    وذكرها بفضل حمد لله وشكره
    ولازم ماتتشكى لان الله عزوجل يختبرها
    هل تشكر وتحمد الله او تسخط وتشكو

    والله بعدها يسكتن ويحمدن الله ويشكرنه
    واقولها لاتناظرين عيال غيرك ماتدرين عن اسرار البيوت
    احمدي الله وشكريه على مارزقك يرزقك احسن منهم بس الله اذا شافك ماتشكرينه ولا تحمدينه على ماعطاك الله يسحب منك الصحه والمال والعيال وكل ماشتكيتي كل ماسحب الله منك لحد ماتحسين بعدم الراحه

    والله هذا كلامي لعمتي اخت ابوي وتسكت بعدها
    دايم اقولها ياعمه لاتشكين احمدي الله وتحمده وانا عندها
    بس ترجع وتشكى وهي الحمدلله بخير مافيها المرض اللي يجلسها بالبيت

    كانت تطلع وتجي وزيارات وطلعات واذا كلمها احد يسولف معها بالتلفون تقعد تشكى وانها تعبانه وعجزه وماتقدر تقوم
    واقولها مايجوز ياعميمه تراه الله يبتليك يقول (لا تمارضوا فتمرضوا) للعلم تراه مش حديث

    وقدر الله ومرضت ومرضها جلسها بالبيت ماتقدر تطلع وتجي
    وقلنا لها تذكرين نقولك احمدي الله وشكريه على اي تعب بسيط لكن ترجعين وتنسين فضل الله عليك
    تجلس تستغفر


    لذا اختي ذكري امك بالحمد والشكر لله
    وانه تزول النعم بعدم حمد الله وشكره
    الواحد منا مايعرف قيمة النعمه اللي هو عايش فيها الا بعد ماياخذها الله منه

    وهذا الكلام موجه لك قبل امك
    عشان ماتخلين الشيطان يدخل عليك مع اي مدخل

تابعي تجارب أخرى من هذا القسم.